楓．新日本料理 (Changed Hand) New Restaurant

土瓜灣起緊地鐵, 周圍都係地盤, 喺附近做完野, 咁啱到左晚飯時間, 要搵野食填肚, 行行下見到其中一條巷, 估唔到竟然隱藏左呢間日式料理一入到去坐低左, 就見到個精緻既魚缸&酒吧, 老闆對顧客熱情地介紹今晚特登預訂左既食材店員馬上為我地奉上熱茶及海葡萄沙律, 咸咸地清一清個味蕾, 感覺好清新, 再食埋d 新鮮蕃茄青瓜, 即刻開胃晒老闆為我地預先準備左今晚既主角, 法國藍龍蝦, 新鮮生猛所以要箍實隻大鉗, 全身都深藍色好神秘師傅手起刀落咁處理左佢, 再配埋愛爾蘭三文魚, 油甘魚腩及拖羅藍龍蝦既真身原來係咁鮮豔肉質好爽滑, 完全係鮮甜冇腥味食完冷盤, 整番個挪威鯖魚先, 皮脆肉嫩, 配埋檸檬汁食, 可以解番油膩感西班牙黑毛豬, 有口感, 骨邊帶筋既肉特別好食師傅收番個冷盤果陣以為藍龍蝦個蝦頭及大鉗會浪費左, 原來佢已經默默為我地準備緊呢鍋藍龍蝦稻庭烏冬, 成個湯底充滿住龍蝦味, 非一般平時食既味增龍蝦可媲美食飽飽後, 配埋個甜品就一流, 入面係暖暖地既芝士流心