串串貢 (Closed)

好耐冇食過任食串串，今日去咗深水埗試下呢間麻辣串串，喺一間樓上舖。$228任食，仲包埋海鮮拼盤一份，有青口花甲同埋大蝦，全部都非常新鮮，啲蝦咬落去仲要好爽口彈牙。湯底方面，叫左紅白鴛鴦湯底$78，麻辣紅湯唔係叫左四川老壇辣酸菜湯，酸辣味好夠又多菜，唔辣嘅白湯叫左蘋果蕃茄湯，煮完嘅食物都好重蕃茄味。串串方面，呢度有超過60款嘅食物任食，牛肉、雞肉、豬肉、八爪魚、豬大腸、雞腎等等應有盡有，肉類方面都有好多唔同嘅調味，黑椒、孜然、咖喱、芫荽、麻辣、泡椒等等勁多選擇，個人特別推介魔鬼雞翼，食到超滿足，我哋兩個人食咗around 90串。