又一川

Open Now

Now Closed

想食一個重口味又實惠既晚餐，所以隨意黎左呢間餐廳食個酸辣粉，友人鐘意食飯，所以佢就叫左右個雪菜腩肉飯。入門口，已係大陸式style, 呀姐都係，所以都算係有環境同食物配合得宜本身我就比較期待酸辣粉既，叫左午餐肉，豬紅，白菜同豆卜，小辣，紅薯粉。上黎都幾大碗，望落幾吸引，但食落就普普通通左，冇咩記憶點，只覺得少少酸少少辣，稍遜旺角街頭20幾蚊碗既酸辣粉，冇個種紅油香。D配菜就ok啦，午餐肉係午餐肉味，豬紅係冇煋味既豬紅味，白菜同豆卜都煮得唔夠"nam"。但係反而友人個雪菜腩肉飯幾好食。味道少少辣，少少咸，少少甜，送飯唔錯，幾惹味。腩肉少少“鞋”，唔算好彈牙。不過60蚊一個飯算係錦架啦～"要合理期待"，友人說。