大樹燒烤 (Closed)

除左日式串燒，四川串燒都係我既心水之選，燒物都係以獨特香料來調味，非常惹味呢！今次黎到大樹燒烤，覺得環境舒適，一班人食住串燒，傾下計都幾開心😆大樹燒烤串燒分為肉類，海鮮類，丸類，素類，另外仲有鍋鍋燒，小食同甜品，可以揀大/中/小辣度🌶️今次我地就主力叫串燒同小食。餐廳其中一個賣點係每枱都有火爐，可以將廚房燒好既串燒，放係火爐上保溫，咁就可以慢慢食唔怕肉質變凍。食物都非常惹味，另外仲可以自行加入辣椒粉及孜然粉來調味。燒蓮藕片（$26兩串）- 香爽而甜新疆羊肉串（$19) - 濃郁羊羶，配孜然粉好適合👍🏻豚肉韭菜花卷（$28) - 豚肉包住多汁韭菜岩鹽安格斯（$68) - 肉質幾軟腍即開即燒大扇貝（$35隻）- 調味豐富，有蒜粒蔥粒辣椒，肉質帶鮮甜味避風塘魷魚酥（$48) - 避風塘味很適合配海鮮，再經酥炸過的魷魚很香口😙炸雞薯片（$38) - 經油炸的香脆外皮包著薄薄的雞肉，食到停唔到口😋菠蘿冰（$36) 西瓜冰（$36) - 即叫即打，冇落糖水，味道就係水果既鮮甜度🍉🍍