巴辣仔烤魚

Open Now

Now Closed

朋友屋企對面新開的烤魚店，聽朋友講每次經過都見到滿座，排位輪候的人勁多。我哋是7點三十分到，等候左十幾分鐘就入座啦，都冇等好耐，工作人員好熱情，等候緊時就話我哋知可以飲住他們店裡自製的菊花茶等位👍店裡環境都幾好，明亮乾淨。先點推薦的烤魚，點佐沙巴龍躉，味道選了一聽就好特別的大紅燈籠泡椒味，又辣又泡椒的味道應該好猛好過癮。上菜速度都快，用的是酒精燈烤爐，唔擔心火太大烤得魚肉幹噻。烤魚好香，未食已經聞到香味撲鼻。揭開魚皮，魚肉冇刺又有彈性，魚好大條，而且越煮越入味。大紅燈籠同泡椒量好多，夾走滴先擺得落烤魚配菜黃金組合，不得不贊萵筍蓮藕蘸滿烤魚魚汁真是好食。川味燒烤都幾正宗，烤茄子表面舖滿蒜末，容易夾。百香果無骨鳳爪好開胃，甜甜脆脆，配合清新的百香果味道，連配搭的青瓜絲都好好味。魷魚小串和雞胗小串嫩得來又入味，應該是燒烤配料的功勞。鴛鴦糍粑表皮好脆。店裡還有贈送的冰粉，可以自由配搭配料，瓜子花生米芋圓同冰粉好搭。