Video
Read full review
2023-11-06
18 views
同朋友講起，家陣的串燒店如雨後春筍，不過就係因為太多，水準參差，中伏既機會都幾高。畢竟已唔係年輕，無謂再做白老鼠，想吃的話，跟可靠朋友去食，穩陣好多，如今次跟隊去了這間川燒 串燒 . 酒場。坊間的串燒店，川式日式兩種風味，好少混為一談，呢間可算是小數集兩者於一身的店子。能夠食下川味豆腐，又能吃到提燈；既可大口飲啤酒，亦有清酒及燒酎供應，都係唔錯既選擇丫~三人行，不如叫個二人套餐，再散點幾串想食的，有夠豐富了。$488之套餐，都有唔少嘢食，煙韌香口的燒雞泡魚乾，沾點沙律醬，下酒一流！川燒豆腐外脆內嫩，記緊要點個汁，是靈魂所在。燒白鱔與及手打免治雞肉棒，前者彈牙，後者唔會太死實，贏在口感。同樣是口感取勝的，還有爽彈的牛脷，而汁燒殼飼一口牛，惹味之餘，肉質保持鬆化。誓估唔到可以係呢類地方食到法式鵝肝多士，認真佩服。除了鵝肝，套餐內都有啲幾特別既食物，譬如以腐皮包裹著溫泉蛋來燒，再加點黑松露醬去調味及添貴氣的出品。燒豚肉生菜卷賣相都幾靚仔，感覺上又無咁邪惡，好食，亦可自欺地減低罪惡感。散叫選擇唔少，當中有部份更只是$10/串，抵到無朋友，可以放心亂畫，唔使就住就住。健康既翠肉瓜加埋芝士去燒，難
畢竟已唔係年輕，無謂再做白老鼠，想吃的話，跟可靠朋友去食，穩陣好多，如今次跟隊去了這間川燒 串燒 . 酒場。
坊間的串燒店，川式日式兩種風味，好少混為一談，呢間可算是小數集兩者於一身的店子。
能夠食下川味豆腐，又能吃到提燈；既可大口飲啤酒，亦有清酒及燒酎供應，都係唔錯既選擇丫~三人行，不如叫個二人套餐，再散點幾串想食的，有夠豐富了。
$488之套餐，都有唔少嘢食，煙韌香口的燒雞泡魚乾，沾點沙律醬，下酒一流！川燒豆腐外脆內嫩，記緊要點個汁，是靈魂所在。
燒白鱔與及手打免治雞肉棒，前者彈牙，後者唔會太死實，贏在口感。同樣是口感取勝的，還有爽彈的牛脷，而汁燒殼飼一口牛，惹味之餘，肉質保持鬆化。
誓估唔到可以係呢類地方食到法式鵝肝多士，認真佩服。除了鵝肝，套餐內都有啲幾特別既食物，譬如以腐皮包裹著溫泉蛋來燒，再加點黑松露醬去調味及添貴氣的出品。
燒豚肉生菜卷賣相都幾靚仔，感覺上又無咁邪惡，好食，亦可自欺地減低罪惡感。散叫選擇唔少，當中有部份更只是$10/串，抵到無朋友，可以放心亂畫，唔使就住就住。
健康既翠肉瓜加埋芝士去燒，難為正邪定分界。燒雞腿肉、雞皮及豬頸肉等都交足功課。食左咁多肉，一記燒韭菜是最好的選擇去平衡下。再者，店家都有些坊間相對罕見的好嘢，如安鱇魚肝、腐乳脆豆腐，甚些提燈都可以係度搵到，有啲料到。
甜品除左有必叫的燒菠蘿之外，仲有好特別既燒芝麻湯丸，甜胃都表示滿意。
Post
