三川居酒屋 (Closed)

三川居酒屋一直係我最想光顧餐廳既top 3，今日同女友喺銅鑼灣行街，正所謂「擇日不如撞日」，今日終於去左三川居酒屋。一入去餐廳就見到充滿霸氣既掛牌，令人更放心係餐廳進食。每一枱都有一支酒精搓手液，同埋每人一塊酒精濕紙巾，衛生程度比起其他居酒屋真係高下立見。三川居酒屋嘅裝潢獨樹一格，坐卡位既客人恍如置身係草屋。- 二人刺身拼盤除左指定刺身拼盤外，餐廳會根據客人嘅要求而度身訂造刺身拼盤。聽完職員介紹後，我選擇左劍魚腩、吞拿魚、活赤貝、鰤魚腩、帶子、甜蝦。鰤魚腩非常深刻，首先真係非常厚肉，而且係魚腩部份，所以肉質特別嫩滑。色澤比一般油甘魚更紅潤，魚肉特別甘甜，魚味亦非常濃郁，唔怪得知有人話鰤魚係油甘魚之王👑。其次比較深刻嘅係活赤貝，賣相十足蝴蝶，食落肉質非常爽甜，而且充滿鮮味。相反帶子就比較普通，略嫌唔夠鮮甜，而且幾薄片。- 明太子蟹肉醬焗蠔肉蘑菇批呢道菜應該係三川居酒屋獨創，我係其他居酒屋未見過類似既菜式。層次非常豐富，一啖有晒蘑菇、蠔、明太子醬同芝士，味道亦非常平衡，鹹中帶鮮。居酒屋除咗刺身之外，串燒亦係必食之選，我哋一共叫咗四款串燒。- 月見免治雞肉棒（$36)外表燒到有少少焦香，肉質