醋娘子 (Closed)

餐廳唔係好大，不過環境簡單整潔，坐得舒服。口水雞依個口水雞好特別，佢係已經去左骨，食起來好方便，夾起就係一大塊雞肉。口水雞唔算好辣，辣度適中，雞肉上面表表既花生碎減低左辣度，鐘意食辣一點，可以撥走花生碎再食，花生碎增加左口感同香味。滷香豬耳好耐冇係香港食滷水豬耳啦，依個滷水豬耳好好食，每片豬耳都十分入味，充滿滷水個種香味，而且份量十分，一碟有好多豬耳，每片都好彈牙，一咬落軟骨位就好脆！蒜茸炒時菜炒得非常有鑊氣，每片都充滿蒜茸既香氣同惹味！