Video
Read full review
2023-02-21
32 views
今日過去Cordis,跟手晚飯就腳約咗朋友去食港味川菜。川莊就喺朗豪坊商場12樓,一出𨋢split level半層就見到,好易搵。裝修新派型格, 我哋坐咗出去「露天亅露台座位, 頭頂大概有兩層高天花,空間感十足之餘又係全天候,感覺幾正👍五寶茶用紫砂茶壺同蓋碗上,飲落清潤舒適,埋單見到每位$15,收費都好公道。兩三個侍應都有禮貌,殷勤體貼。兩個都唔係好食得辣,叫咗唔辣嘅南充特色酸菜魚(例牌)$268, 上枱大到嚇左一大跳,目測分量大約有4碗一蘭拉麵😂,鱸魚肉大大塊新鮮爽滑鮮甜,高湯湯底酸爽濃郁,我加咗少少香辣粉,其他三款麻辣、勁辣粉我就敬而遠之。紅薯川粉吸收曬啲酸魚湯,煙韌輭滑好好味,我忍唔到口食咗三碗😋😋翡翠黃金蝦球$198, 6隻珍寶大蝦球🦐被金黃色邪惡嘅鹹蛋黃醬滿滿包住😍,鮮甜好食停唔到口,唯有一路食一路提自己:聽日一定減肥😅。今日嘅翡翠係凍乾秋葵,沾滿鹹蛋黃醬,食落有啲似鹹蛋黃魚皮👍另外要咗一客濃湯雲吞雞$64,奶白色濃湯充滿老雞排骨同埋火腿味,兩件雞一粒雲吞兩三條小棠菜,份量比較細。🍽 餐廳: 川莊🏠 地址: 旺角朗豪坊12樓12號舖#foodiehk #hkfoodie #f
裝修新派型格, 我哋坐咗出去「露天亅露台座位, 頭頂大概有兩層高天花,空間感十足之餘又係全天候,感覺幾正👍
五寶茶用紫砂茶壺同蓋碗上,飲落清潤舒適,埋單見到每位$15,收費都好公道。兩三個侍應都有禮貌,殷勤體貼。
兩個都唔係好食得辣,叫咗唔辣嘅南充特色酸菜魚(例牌)$268, 上枱大到嚇左一大跳,目測分量大約有4碗一蘭拉麵😂,鱸魚肉大大塊新鮮爽滑鮮甜,高湯湯底酸爽濃郁,我加咗少少香辣粉,其他三款麻辣、勁辣粉我就敬而遠之。紅薯川粉吸收曬啲酸魚湯,煙韌輭滑好好味,我忍唔到口食咗三碗😋😋
翡翠黃金蝦球$198, 6隻珍寶大蝦球🦐被金黃色邪惡嘅鹹蛋黃醬滿滿包住😍,鮮甜好食停唔到口,唯有一路食一路提自己:聽日一定減肥😅。今日嘅翡翠係凍乾秋葵,沾滿鹹蛋黃醬,食落有啲似鹹蛋黃魚皮👍
另外要咗一客濃湯雲吞雞$64,奶白色濃湯充滿老雞排骨同埋火腿味,兩件雞一粒雲吞兩三條小棠菜,份量比較細。
🍽 餐廳: 川莊
🏠 地址: 旺角朗豪坊12樓12號舖
#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongkong
Post
