十二味 (D2 Place TWO)

Open Now

Now Closed

一食川菜，就即刻諗起十二味，喺荔枝角行完市集，見附近有分店，就即刻同朋友嚟咗食！呢間分店嘅裝潢依然充滿古色古香，座位闊落，望落乾淨企理！▫️蒜泥黃瓜前菜叫咗呢一款蒜泥黃瓜，食落好清新，黃瓜爽脆，好適合作為餐前小食。而且食辣嘢食黃瓜嘅話有助解辣😋▫️川式口水雞 每次嚟到必點，口水雞可以選擇三種辣度，我今次就揀咗中辣！口水雞雞肉嫩滑，面上鋪滿口水辣椒油，一啖食落去，除咗有滿滿嘅辣椒香味，亦冇掩蓋雞味，真係超級好食！▫️干鍋（小辣）配料：蓮藕、豬頸肉、花椰菜、萵筍、雞軟骨加配白飯😋😋😋今次唔食酸菜魚，選擇咗食乾鍋！餐廳嘅乾鍋配料可以選擇半份，所以兩個人嚟到，依然可以叫乾鍋食，絕對唔會怕食唔晒！個人最愛食雞軟骨，香辣爽脆！今次仲食咗豬頸肉，肉質爽滑，正！朋友推薦叫蓮藕，估唔到加蓮藕入干鍋，蓮藕炒得非常入味，食落爽脆惹味！個人認為乾鍋必點蓮藕！😋▫️檸檬梳打最近增加咗幾款梳打飲品，今次叫咗檸檬梳打，解辣一流，清新好飲！