十二味 (裕民坊YM²)

Open Now

Now Closed

話說觀塘新商場越開越多食肆，一家人食飯又多個選擇。耐唔耐都想食下酸菜魚浸味，見呢間新開嘅又乾乾淨淨，就走咗入去晚飯。人見人愛酸菜魚（配粉條），可以揀辣度最好，花椒八角一定有，仲有好多魚塊、酸菜、萵筍、粉條份量都好多，足夠二至三人食。味道夠晒傳統，魚肉都幾新鮮，粉條又爽又滑。呢個惹味嘅干扁四季豆，肉碎同花椒八角好多，好好送飯。兩個濃味嘅餸菜，最好當然叫客蒜泥青瓜，清一清個喉嚨再嚟過，夠爽夠清新，配埋酸菜魚食嘅一餐飯做前菜啱啱好。睇落平平無奇嘅蔥油拌麵，食落去有淡淡的蔥油香，麵條夠彈牙，都幾好味。呢度坐得舒服，消費又唔貴，平時晚飯又多個選擇。