Video
Read full review
2021-08-27
73 views
唔知有幾多人同我一樣，係無辣不歡既人，由小學食拉麵已經要食辣既湯底、到中學一星期食三、四次三哥，到呢家周圍搵川菜食，今次比我搵到一間值得一食再食既川菜，而且仲要係良心小店。麻辣風雲係一間良心川菜店，本店係荃灣，喺2020年開業，由香港樂隊Tonick既主唱恆仔主理，主打四川小菜同小食，最招牌既菜色有酸菜魚、水魚牛肉、麻辣乾鍋、甚至係炸饅頭。恆仔本身好鍾意食辣，朝早起身都會切碎辣椒嚟撈麵食，而且一直都想有一個自己嘅地方，可以同樂隊做完嘢慶功，於是就開咗呢一間川菜餐廳。而呢度嘅大廚曾經喺五星級酒店同埋迪士尼樂園做過，更加係澳洲航空公司貴賓室嘅行政總廚，對中菜非常了解。之前已經食過荃灣分店，覺得川菜水準唔錯，見銅鑼灣有新分店試業，又近我所以就試下水準係咪依然。荃灣分店店內裝修非常古色古香，好似客棧咁，而銅鑼灣分店勝在好近地鐵站，係好多嘢食嘅京都廣場，去到樓下已經有店員派優惠券俾我哋用。銅鑼灣店舖冇荃灣咁大，都冇荃灣咁闊落，不過座位夠多，店員都係後生仔為主，而荃灣店都係姐姐、阿叔為主，餐廳都係行古風，一出lift就見到梅蘭菊竹嘅四個屏風，有包廂可以預約。另外一提如果係食大閘蟹，店舖仲會提供手套
麻辣風雲係一間良心川菜店，本店係荃灣，喺2020年開業，由香港樂隊Tonick既主唱恆仔主理，主打四川小菜同小食，最招牌既菜色有酸菜魚、水魚牛肉、麻辣乾鍋、甚至係炸饅頭。恆仔本身好鍾意食辣，朝早起身都會切碎辣椒嚟撈麵食，而且一直都想有一個自己嘅地方，可以同樂隊做完嘢慶功，於是就開咗呢一間川菜餐廳。而呢度嘅大廚曾經喺五星級酒店同埋迪士尼樂園做過，更加係澳洲航空公司貴賓室嘅行政總廚，對中菜非常了解。
之前已經食過荃灣分店，覺得川菜水準唔錯，見銅鑼灣有新分店試業，又近我所以就試下水準係咪依然。
荃灣分店店內裝修非常古色古香，好似客棧咁，而銅鑼灣分店勝在好近地鐵站，係好多嘢食嘅京都廣場，去到樓下已經有店員派優惠券俾我哋用。銅鑼灣店舖冇荃灣咁大，都冇荃灣咁闊落，不過座位夠多，店員都係後生仔為主，而荃灣店都係姐姐、阿叔為主，餐廳都係行古風，一出lift就見到梅蘭菊竹嘅四個屏風，有包廂可以預約。另外一提如果係食大閘蟹，店舖仲會提供手套、工具同濕紙巾。
落單係用手機 QR code落單，幾方便。餐廳午市會有米線套餐，夜晚就係單點小菜同小食。
-
前菜 💰8X2（👅: 7.5/10）
前菜
8 views
1 likes
0 comments
前菜
8 views
1 likes
0 comments
花生唔係脆身而係腍身，平時好小食到。
而中華沙律食落酸酸，好開胃。
-
1️⃣ 炸饅頭 💰58（👅: 9/10）
炸饅頭
$58
7 views
1 likes
0 comments
炸饅頭有六個，熱辣辣，表面炸到金黃色，非常光滑，咬落外層香脆脆卜卜，脆到會聽到聲，非常可口，入面夠鬆軟，絕對係外脆內軟，唔會話食到成口油，配埋煉奶食，係完美既配搭，難以抗拒。
炸饅頭
$58
4 views
1 likes
0 comments
炸饅頭
$58
4 views
1 likes
0 comments
比起出面既炸饅頭，特別在佢外層特別酥脆，唔會好硬好實，同埋發覺食辣時，食一個沾滿煉奶既炸饅頭，係有解辣既作用。
-
2️⃣ 酸菜魚 💰268（👅: 8.5/10）
酸菜魚
$268
12 views
1 likes
0 comments
呢度嘅酸菜魚係爆香辣椒同花椒呢個步驟做得好好，油夠滾，所以食得出香辣。
湯底酸味好足夠，湯底用上三種辣椒，野生天椒、燈籠椒、大紅椒分別提供辣度、甜味同埋色澤，而且會喺湯底見到唔少花椒，而麻味就會越食越感受到，會食到個口痺痺地，辣就唔算好重，不過我自己幾鍾意，覺得酸菜魚最緊要係酸味同麻味，略嫌湯底比較油膩一啲，但依個湯已經非常出色，不知不覺就已經飲晒成碗，越食越開胃，飲到夠飽，就算飲晒都唔會覺得口渴，我覺得下次可以試吓叫大酸，更酸應該會更好食。
上枱個盤好大，入邊有大量魚片、寬粉、萵筍、芽菜、酸菜、豆卜、芫荽，魚肉用新鮮生魚，份量夠多，大大塊夠厚夠挺，食落啖啖肉，肉質夠鬆軟，入口嫩滑，食落無腥味，鮮味就唔算好重，基本上食到最尾都係得一舊有小小骨，對於唔鍾意食有骨嘅魚嘅我非常滿意。
寬粉煮到夠腍身，唔駛點用力就一咬即斷，口感帶小小煙韌，配埋酸菜魚湯，將酸麻味既精華索哂入去，一啖接一啖。
豆卜一樣夠腍，好索湯，酸菜同芽菜都係酸菜魚必備，入味之餘食落感覺健康，酸菜係用澄海酸菜，以醋醃製，食落清香，唔會太鹹太酸，萵筍夠爽口。
-
3️⃣ 水煮牛肉 💰188（👅: 8/10）
水煮牛肉
$188
5 views
1 likes
0 comments
叫咗小辣小麻中酸多蒜蓉，食落其實唔算好辣，雖然叫左中酸，但係個酸味唔夠酸菜魚嘅酸味重，麻香味足夠。
牛肉分量幾多，食落算幾滑，幾腍身，入口算鮮嫩，湯底下重會有薯粉、豆卜、荳芽、萵筍片等配料，非常豐富，價錢比酸菜魚平，但份量唔會比酸菜魚少，食落入味，幾惹味。
-
4️⃣️⃣ 麻婆豆腐💰108（👅: 8/10）
麻婆豆腐
$108
17 views
1 likes
0 comments
-
🌟因為新店開張，除左有呢個特別版炸饅頭，原來仲有新店優惠，有20蚊優惠卷，去到9月30日前都用得，而且唔止銅鑼灣分店、荃灣店都有呢個優惠，而銅鑼灣午市更加有九折優惠，岩哂我呢個鍾意食辣既人。
整體黎講，酸菜魚係我香港既TOP3，除左佢食落夠麻夠惹味，佢仲夠酸，成日覺得酸菜魚最重要係酸，相比下好多分店既十二味，酸菜魚既酸度就無咁勁，饅頭除咗好打卡之外，仲特別酥脆，相比之下水煮牛肉就食落唔算好辣，可能因為點左小辣，酸菜魚會比較出色。菜式選擇幾多，川菜應該有嘅都有，係值得再食嘅一間良心川菜餐廳。-
👅味道: 8.5/10
🍴環境: 7.5/10
💰消費: $150-300pp (服務費: 10%)
Post
