蜀府川鍋 (Closed)

又係同小學同學相聚的日子，佢好鍾意食川菜，我又就得人，所以常常見面都係食辣之夜。今次來到她指定，位於油塘既蜀府川鍋。在大路旁唔難搵但附近無咩人流，可能始終係大馬路。室內整體以紅色為主，配合辣的主題。店內好多人食緊推廣的四層海鮮塔，但我地目標是麻辣的四川小菜。餐牌非常豐富，眼花繚亂，相討10分鐘後一口氣點了約8-10項小菜。當中口水雞同麻辣烤魚最精彩有驚喜的。打頭陣係口水雞，木桶上夠睇頭，色水好足，賣相一流。雞肉雪凍左，口感好好，雞皮爽口，雞肉肉質嫩滑。點左小辣，辣度唔算十分強，但有麻麻既感覺，好過癮。食落口果下涼涼地唔太辣，但後勁慢慢湧上一種辣的感覺，配合口唇麻麻的，十分過癮。值得欣賞既係，佢地製作十分講究，醬汁唔係現成的醬料，而係不少食料調配的，味道十分有層次。烤魚係店員推介我地一試的，有泡椒同麻辣，麻辣當然係我地首選。魚有多款可選，朋友唔鍾意多骨，所以我地選左桂花，貪其厚肉無骨。一大盤烤魚，上台已經甚有睇頭，魚約尺半長，伴以不少配菜，用大大的長方形盤盛上，上台後仲會keep住加熱。魚肉煮前預先煎香過，魚皮脆脆的，迫不及待夾起一夾魚肉，十分嫩滑，但略嫌唔夠入味。但無耐後就知道我們錯了