十二味 (D2 Place TWO)

Open Now

Now Closed

作為川菜嘅粉絲，好多時都會周圍搵好嘢食。但有時調返轉，響市區周圍附近都已經有相當高質素嘅川菜食！酸辣土豆絲前菜就叫咗個土豆絲食。個人作為一個土豆迷，基本上去唔同地方都會叫酸辣土豆絲食。而呢度嘅土豆絲，令人樂而忘返！熱炒上菜時香味四溢，鑊氣十足。入口味道唔會得個辣字，亦有一股香辛嘅味道，而且炒得乾身，唔會食到成口都係油！小辣乾鍋今次就特登叫咗個乾鍋，佢最特別就係可以自選不同嘅配菜，大家可以因應自己嘅口味而配搭。今次我就揀咗蓮藕、豬頸肉、花椰菜、萵筍同雞軟骨。香辣嘅味道，配上自己鍾意嘅食材，的確令人食指大動。而濃味嘅乾鍋香辣，配上白飯，調和返乾鍋嘅濃味！食完之後，的確辣得過癮！更重要係，佢嘅香辣惹味到令人食唔停口，大大煲嘅乾鍋都可以食晒！橙汁食完辣嘢，佢有唔同嘅飲品選擇，飲落舒服解辣。