川府宴 (Closed)

今日去左銅鑼灣行街，平日lunch time到處都是人。我想搵間舒服啲餐廳都唔得。上網搵到一間樓上川菜館，環境古色古香，價錢又唔貴。12:00到餐廳，未算好多人，但是慢慢就滿哂啦！我叫左手撕雞和辣炒椰菜花。手撕雞啖啖肉，調味香濃，雞肉非常滑溜，入口嫩香唔會鞋口。我最愛食辣炒椰菜花，師傅仲加上腩肉炒香，肉片咸香好滋味，唔會太乾，油香豐富。椰菜花爽甜有輕輕辣味，爽脆唔會太霉，好新鮮。午餐都係$70左右，好抵食。