彩龍茶樓

Open Now

Now Closed

帶小朋友出多啲街有時佢地既觀察力真係好厲害，自己未必留意到既野真係俾佢地驚喜到，就好似今日咁，個女指住個點心問我咩黎既，有時我都未必識得曬以前有個朋友會帶小朋友去行山，嗰陣總覺得係一件好困難嘅事，但小朋友接觸得大自然多，由樹木花草雀鳥做書本比喺屋企齋睇圖書好好多。今日趁好天就帶個女嚟行吓，小朋友見到點心姐姐即整茄子釀鯪魚肉覺得好新奇，見到自助攞點心嘅方式就咩都話想試，當中見到有張紙包住食物就問我嗰樣點心叫咩名，我都係第一次見，點心姐姐推介叫紙包骨整好咗嘅點心放晒喺度，鍾意邊碟自己拎，點心款式好似比連鎖酒樓仲要多，聽講依度嘅點心仲係自家製作，唔係買出邊現成貨加熱。一邊拎蒸嘅點心同蒸飯，另外一邊拎煎炸嘅點心，雪櫃入邊仲有豆腐花，芒果布甸，洛神花茶，山楂水同羅漢果茶。蒸飯夠乾身配調好味嘅排骨同鳳爪，炸春卷外皮唔油膩可以俾小朋友自己揸住食，粉果好大粒入邊餡料夠多沙葛爽口。除咗帶小朋友行山，喺呢度仲可以同小朋友分享做農夫嘅樂趣，個女第一次見到人哋務農覺得好有趣