好佰佰

Open Now

Now Closed

今日某品牌喺火炭工業區開倉， 於是約咗朋友諗住一齊去掃貨，不經不覺行咗兩個鐘， 大家都買到心水貨品，準備走人，唔係喎，肚餓添！睇下附近有咩食先，知道火炭有條新公共屋邨喺附近，決定過去搵嘢食，上到去見到間名為［好佰佰］嘅茶餐廳，餐廳光猛都幾大間，圍住窗邊大約有十張卡位，我地揀咗一張坐，入坐時啱啱兩點，餐牌寫下午茶2：30開始，但又咁啱聽到隔離枱落單下午茶餐，於是問一問侍應生姐姐有下午茶未，姐姐答有。於是我們點了兩個下午茶餐。炸雞髀沙律飲熱咖啡😋炸雞髀新鮮即炸熱辣辣皮脆，炸得有少少過火，不過都幾好食。沙律有驚喜，唔係話超級好食，但覺得好新鮮好清新， 墊底兩塊生菜都好脆綠，唔似喺雪櫃雪咗好耐嗰種。咖啡係即磨咖啡幾香濃。吉列豬排奶油豬配熱奶茶😄吉列豬排同樣即炸，切開豬排發覺雖然炸粉厚過豬排，都係接受到嘅程度，奶油豬面脆底就唔夠脆，尚算好食。奶茶夠滑茶味濃。38蚊下午茶餐對得住價錢，份量足，質素唔差。