Proton

Open Now

Now Closed

元朗呢幾年多左幾多呢種CAFÉ，既可以打卡，特別係有出面位置，寵物友好。阿拉斯加蟹肉、虎蝦、車厘茄粉紅汁手打意大利麵 $118★★☆☆☆意粉太淋，冇手工意粉個種煙韌有咬口嘅口感，食落似烏冬、台灣麵，唔太喜歡有啲失望。而個意粉汁有淡淡龍蝦味但唔濃，所以即使掛汁都唔算好入味，幾普通。虎蝦爽口，蟹肉都唔錯，但敗筆係個麵。烤龍蝦、龍蝦沙律、牛油果班戟田園沙律 $148★★★★☆最好食係呢道菜，烤龍蝦幾爽有鮮味，個龍蝦沙律配落班戟到出奇地幾夾，每一層都有龍蝦沙律夾住，足料。個人比較少食咸嘅班戟，幾清新同意外地好食，同埋成個Presentation都好靚。牛油果芝士安格斯牛肉漢堡包薯條 $108★★☆☆☆塊牛非常普通冇咩特別，冇牛味又唔夠JUICY幾乾，又冇咩醬汁，加上個麵包冇烘過就咁夾埋。只能用普通黎形容，呢個價錢唔符合個期望同質素。蜜糖芥末雞翼 $60★★★☆☆雖然寫雞翼但黎到係炸雞件。即炸幾酥脆，炸粉唔算太厚。食落JUICY有肉汁，雞肉都仲係嫩滑。但個蜜糖芥末汁唔算太特別，正常發揮。飲品：Earl Grey Chocolate, Long Black, Espresso Tonic  $44