Video
Read full review
2020-10-23
114 views
今日我哋就叫咗佢哋嘅黑松露盛宴，套餐包括有黑松露野菌湯，而前菜同主菜我哋就揀咗入邊嘅黑松露火箭菜梨子沙律；意大利小雲吞配鮮黑松露、野菌、香腸粒、鼠尾草牛油汁，除此之外，仲有鮮黑松露、芝士、意大利風乾火腿披薩， 真係啱晒我哋呢啲鍾意食黑松露嘅人。首先講吓佢哋嘅黑松露野菌湯，菌味非常濃郁而又唔會蓋過黑松露嘅味道兩者調和啱啱好。而火箭菜梨子沙律方面，用咗黑醋佢調味，酸度啱啱好，配合埋合桃，有種清新又膩嘅感覺。之後講講佢哋嘅意大利雲吞，呢個雲吞食落，都有好濃郁嘅黑松露味都配合埋佢哋嘅雲吞餡料覺得都幾夾！見咁多菜式入邊我就最鍾意佢哋嘅黑松露薄餅，薄餅入邊仲加咗巴馬火腿做配料，估唔到巴馬火腿又唔會搶咗嘅香氣喎，係我第一次食到嘅味道！ 除此之外薄餅啱啱出爐非常香脆，大家記得趁熱食啦！哈哈原來仲有甜品未講我哋就叫咗黑松露雪花雲呢拿泡芙同黑松露白朱古力慕絲 (+$18)， 兩個相較之下我哋就覺得黑松露白朱古力慕絲好食啲！用呢個作為最後一道菜非常滿足 ！如果大家係好似我咁都係黑松露控嘅話， 一定要嚟呢度試吓！
首先講吓佢哋嘅黑松露野菌湯，菌味非常濃郁而又唔會蓋過黑松露嘅味道兩者調和啱啱好。
而火箭菜梨子沙律方面，用咗黑醋佢調味，酸度啱啱好，配合埋合桃，有種清新又膩嘅感覺。
之後講講佢哋嘅意大利雲吞，呢個雲吞食落，都有好濃郁嘅黑松露味都配合埋佢哋嘅雲吞餡料覺得都幾夾！
見咁多菜式入邊我就最鍾意佢哋嘅黑松露薄餅，薄餅入邊仲加咗巴馬火腿做配料，估唔到巴馬火腿又唔會搶咗嘅香氣喎，係我第一次食到嘅味道！ 除此之外薄餅啱啱出爐非常香脆，大家記得趁熱食啦！
哈哈原來仲有甜品未講我哋就叫咗黑松露雪花雲呢拿泡芙同黑松露白朱古力慕絲 (+$18)， 兩個相較之下我哋就覺得黑松露白朱古力慕絲好食啲！用呢個作為最後一道菜非常滿足 ！
如果大家係好似我咁都係黑松露控嘅話， 一定要嚟呢度試吓！
Post
