Non Kitchen

Open Now

Now Closed

今晚帶媽媽食好西，估唔到工廈都有靚牛扒食。餐廳環境闊落乾淨，二人套餐 ($548) 吸引，樣樣都咁好味。凱撒沙律羅馬生菜新鮮爽脆，撈左酸甜凱撒汁酸甜開胃，為今晚美食打開序幕。餐包麵包條脆身，另一款則軟熟，伴湯食為佳。餐湯甘荀薑湯味道清爽不膩，口感綿滑熱飲暖胃。意大利巴馬火腿薄餅薄餅鋪滿巴馬火腿和火箭菜，淋左酸甜開胃的黑醋汁，餅底脆薄，夾層薄薄的芝士咸香美味，加埋爽爽的洋蔥絲，精工細作好味到呢，值得一食。炭燒安格斯西冷牛扒牛扒有網燒坑紋賣相靚仔，大大塊足十安士。牛扒燒至七成熟肉質粉嫩保留肉汁，以少量黑椒和鹽作調味，食出原味好有牛味，非常高質抵讚。甜品布朗尼蛋糕朱古力味濃甜度適中，食落有朱古力碎粒有多層口感，好味。飲品叫左凍檸茶和奶茶，味道正常，糖漿自行添加，啱個人口味。