魔膳廚房 (Closed)

魔膳工房轉左晚餐係自助buffet dinner，而家有半價優惠，成人每位$168，出面呢個價錢好難食到自助餐，到於黎幫襯下。沙律bar好多選擇，有蟹棒沙律，大蝦木瓜沙律等，味道都唔錯。重食到炸粉春卷，咖哩角等，香口又唔太膩。湯方面，有忌廉湯同雜菜湯飲，我揀左雜菜湯，味道濃郁。主菜方面，有3款都係免費。黑松露雜菌意大利飯賣相唔錯，不過黑松露味濃d就perfect。芝士肉醬意粉意粉軟硬度剛剛好，菜式幾惹味。甜品都好吸引，除左雪糕之外，奶凍同木槺布甸超推介。飲品除左凍飲有花茶可以自己調較份量自己沖，蝶豆花好似有減肥功效添架。