Video
Read full review
2016-05-01
847 views
觀塘工廈永遠都係搵食好地方，你想食咩都有，而且質素都唔錯！今次黎到oldish，呢到有啲難搵，但食物質素確實不錯😊一到左oldish, 入到去真係超乎預期嘅大，工廠大廈好處就係地方大夠寬敞😮有一半地方係賣衣物、雜貨、皮革，一半係餐廳。地方超級大，都幾靚，而燈光好柔和，成個感覺好舒服！店內有二十多個位，每張枱都好大，可以坐六七個人，好特別兩個人黎係平排咁坐，聽講啲枱枱櫈櫈都可以買嫁！而menu係好似手冊咁😁店內嘅好多擺設都好古舊，但古舊得黎又好前衛，影相同食環境真係一流😉扒鮮呑拿魚沙律 配 胡麻醬💰HKD98如果咁嘅價錢，我就覺得份量有啲少，胡麻醬唔係好夠，沙律菜普通，有六七塊呑拿魚，肉質幾實，但其實冇乜味。呢個沙律嘅質素平平，唔太值呢個價錢🤔龍蝦汁大虎蝦意粉 💰HKD138好大嘅兩隻蝦🍤份量正常，仲有甜波椒同洋蔥。我個人就唔係太鐘意意粉果隻味，味道都幾濃味，應該係用蝦殼同蝦頭濃縮而成嘅蝦汁，我個人就一般喇，反而我朋友就幾鐘意呢個，所以真係見人見智。而蝦真係好大隻，蝦味都幾重味，肉質幾實。香煎美國安格斯肉眼扒 💰HKD278好大塊扒啊，比我想像中大，一上碟真係好香😁叫左七成熟，肉質幾嫩，
觀塘工廈永遠都係搵食好地方，你想食咩都有，而且質素都唔錯！今次黎到oldish，呢到有啲難搵，但食物質素確實不錯😊
一到左oldish, 入到去真係超乎預期嘅大，工廠大廈好處就係地方大夠寬敞😮有一半地方係賣衣物、雜貨、皮革，一半係餐廳。地方超級大，都幾靚，而燈光好柔和，成個感覺好舒服！
店內有二十多個位，每張枱都好大，可以坐六七個人，好特別兩個人黎係平排咁坐，聽講啲枱枱櫈櫈都可以買嫁！而menu係好似手冊咁😁店內嘅好多擺設都好古舊，但古舊得黎又好前衛，影相同食環境真係一流😉
扒鮮呑拿魚沙律 配 胡麻醬💰HKD98如果咁嘅價錢，我就覺得份量有啲少，胡麻醬唔係好夠，沙律菜普通，有六七塊呑拿魚，肉質幾實，但其實冇乜味。呢個沙律嘅質素平平，唔太值呢個價錢🤔
龍蝦汁大虎蝦意粉 💰HKD138好大嘅兩隻蝦🍤份量正常，仲有甜波椒同洋蔥。我個人就唔係太鐘意意粉果隻味，味道都幾濃味，應該係用蝦殼同蝦頭濃縮而成嘅蝦汁，我個人就一般喇，反而我朋友就幾鐘意呢個，所以真係見人見智。而蝦真係好大隻，蝦味都幾重味，肉質幾實。
香煎美國安格斯肉眼扒 💰HKD278好大塊扒啊，比我想像中大，一上碟真係好香😁叫左七成熟，肉質幾嫩，即使呢個熟度都唔會靭，牛味都好重🐮我地要左炒雜菜，啲炒雜菜都幾好食，呢個價錢呢個質素好合理啊😉
榛子Latte拉花有待改善😂唔算太特別，比普通咖啡甜少少，一般。但係佢啲杯好靚。用黎影相真係好靚
Oldish Tiramisu 💰HKD68好多人介紹過呢個，佢特別之處係唔似一般tiramisu咁成舊蛋糕，而係喺個tiramisu隔離會倒一杯expresso,令整體感覺一冷一熱咁。不過我個人覺得太重味了，加上個tiramisu得中間凍，呢個甜品對呢餐飯黎講感覺太heavy
整體黎講，呢到有得食有得行，感覺十分舒適、文青，食物質素亦不俗，唯前菜有點失望。黎到觀塘緊係搵啲平時冇得食嘅餐廳啦，點會去連鎖店啊，想舒服食晚餐，又想有街行，推薦oldish!!!!😁😁
Post
