掌壽司 (Closed)

朋友生日，當然要請佢食餐好嘅，我揀咗掌壽司，因為佢哋嘅食物用料上乘，質素頗高，尤其係壽司，是朋友至愛。餐廳在觀塘工廈樓上鋪，地方好闊落，燈光柔和，好有日式居酒屋感覺！火炙左口魚邊壽司， 左口魚裙邊是整條左口魚最鮮美的部份，火炙後甘甜魚油緩緩滲出，層次豐富，濃郁甘香，美味至極 。火炙帆立貝壽司，帆立貝好肥美，食落爽口而焦香。油甘魚壽司，油甘魚厚實滑嫩，魚肉細緻甘甜，非常新鮮。池魚壽司，池魚肉質緊實而爽口、略帶油香，味道鮮甜。三文魚腩壽司 ，擁有濃郁的魚油香味，肉質純淨嫩滑。牡丹蝦壽司，牡丹蝦常見於高級料理屋，蝦肉肥碩，口感充滿彈性，鮮甜爽口。海苔鰻魚卷，在卷物上沾滿海苔， 提鲜添綠，增加食欲，再加上厚身嘅鰻魚，鮮甜的肉質，口感一絕！燒雞腎，雞腎有爽爽脆脆的口感,蜜桃梳打，氣泡加上天然果汁，飲用後有清爽舒暢的感覺。