Pati by Lassana (Closed)

放左工黎到荔枝角取貨，順便食埋晏，之前喺very food court食過，今日再黎一食一次。如果唔係喺開呢頭返工，呢個food court真係幾難揾。有幾間唔同野食揀，今日唔多想食飯就揀左食沙律三文治等輕食，$59個餐，有一個主菜，兩款配菜，同一杯野飲，都好大份好飽㗎。主菜揀左煙三文魚碎蛋牛角包，牛角包鬆脆牛油味濃，三文魚鹹香，再加上蛋沙律同生菜，好味又營養豐富，食完個包已經飽左一半。配菜揀左巴馬火腿哈蜜瓜沙律同烤焗薯餅，半盤沙律同一塊勁厚切嘅薯餅。沙律菜包括green leaf，red leaf，endive leaf，仲有grape tomato，哈蜜瓜切粒同一片片嘅巴馬火腿，撈左沙律油，少少酸少少鹹，清爽翠嫩。厚切嘅焗薯容，大大件超飽肚。芝士面好香，入面一片片薯仔片加左牛油同焗，口感不錯，但略鹹左啲。餐茶要左earl grey，水滾茶靚，去油膩感一流。