Video
Read full review
2019-03-31
2709 views
呢排返工日日都好忙要勁開OT,點知今日居然可以在放工前完成,真係開心到要約朋友好好慶祝!所以搵齊好朋友一齊出街食飯!!因為其中一位朋友仲未放工,為左方便佢唔洗行咁遠,所以去佢公司附近的工廈尋找美食!!我們行左幾個圈,最後決定來這間人氣西餐廳!我們喜歡這裡地點好方便,距離地鐵站行5分鐘就到,而且工廈環境乾淨企理,有種放心用餐的感覺!餐廳裝修得很有格調,加上燈光暗暗地幾有氣氛,坐位好寬敞,唔會有侷促的感覺,令人坐得好舒服!打開餐牌有好多選擇,可以選擇套餐又可以選擇單點主菜加錢轉套餐!!<焗車打芝士,煙肉大傘菌> 大傘菌肥大肉厚,菇味濃郁,中間釀滿煙肉,再放上大大塊車打芝士一齊焗,香味撲鼻,用刀切開,半溶芝士和蘑菇汁漏哂出來!再配上沙律菜,食起來非常滋味!<燒有機紅菜頭伴羊奶芝士,北海道帆立貝,檸檬泡沫> 紅菜頭清新又爽口,雖然本身帶有少少的酸味,但剛好中和了羊奶芝士的羶味! 帆立貝肉厚肥美又鮮甜,咬起來有嚼勁, 味道和口感都不錯!<蟹肉粟米茸湯> 粟米茸令整個湯變得很香甜,每一啖都飲到濃稠質感,仲食到好多沉在湯底的鮮甜蟹肉,跟麵包脆條一齊食,
我們行左幾個圈,最後決定來這間人氣西餐廳!我們喜歡這裡地點好方便,距離地鐵站行5分鐘就到,而且工廈環境乾淨企理,有種放心用餐的感覺!餐廳裝修得很有格調,加上燈光暗暗地幾有氣氛,坐位好寬敞,唔會有侷促的感覺,令人坐得好舒服!
打開餐牌有好多選擇,可以選擇套餐又可以選擇單點主菜加錢轉套餐!!
<焗車打芝士,煙肉大傘菌> 大傘菌肥大肉厚,菇味濃郁,中間釀滿煙肉,再放上大大塊車打芝士一齊焗,香味撲鼻,用刀切開,半溶芝士和蘑菇汁漏哂出來!再配上沙律菜,食起來非常滋味!
<燒有機紅菜頭伴羊奶芝士,北海道帆立貝,檸檬泡沫> 紅菜頭清新又爽口,雖然本身帶有少少的酸味,但剛好中和了羊奶芝士的羶味! 帆立貝肉厚肥美又鮮甜,咬起來有嚼勁, 味道和口感都不錯!
<蟹肉粟米茸湯> 粟米茸令整個湯變得很香甜,每一啖都飲到濃稠質感,仲食到好多沉在湯底的鮮甜蟹肉,跟麵包脆條一齊食,十分好味!
<意大利紅燴牛仔膝> 我未食過牛仔膝,所以特意點來試下,牛仔膝肉厚肥美,口感軟腍,香濃番茄汁滲透每處,煮得非常入味!
<喜瑪拉雅山礦物鹽焗原隻法國黃油春雞> 春雞皮軟肉滑,雞胸肉質結實不鞋口,鹽味滲進肉和骨,但唔會好咸,配埋醬汁一齊食好惹味!
<鹿兒島有骨黑豚豬鞍伴楓糖芥末籽,青蘋果茸> 黑豚豬鞍肉質鮮嫩厚身,煎得剛剛好鎖住肉汁,配上酸酸甜甜的青蘋果茸,中和了豬鞍的油膩感,十分好味!
<提子冧酒芝士餅> 甜品賣相超吸精,周邊放上棉花糖和朱古力,碟上畫左一朵花做伴碟裝飾好有心思!濃郁芝士配上提子冧酒,甜而不膩!真的不錯!
整體來講,餐廳環境和食物都很高質素!值得一食再食!
Post
