掌壽司 (Closed)

今日約咗好友於觀塘聚舊，工廈入面勁多好嘢食，大家都鐘意日本料理，就揀左掌壽司。餐廳環境舒適企理，枱與枱之間都有距離，最啱傾下密偈🥰🧀芝士鰻魚卷 $88沙律醬芝士經過火炙，鰻魚嫩滑，再加了蟹籽，青瓜嘅脆口感，層次豐富，感覺好滿足。🐔大蔥雞肉串 $28京葱爆汁，雞皮脆，用鹽調左味，雞肉嫩滑，🐮燒牛舌 $68厚切帶嚼勁，不會燒得勁乾勁韌，加點檸汁，清新去膩，正！🐟日本活赤貝 $58，油甘魚刺身$48，赤海蝦刺身 $48赤貝鮮甜帶爽口，赤蝦啖啖肉，油甘魚肉質細膩鮮甜。🦀火炙左口魚邊壽司$76，黃金蟹膏軍艦 $64左口魚邊嫩滑微彈，火炙後魚油溢岀，滿口魚油香。濃濃嘅蟹膏沾滿蟹肉，鹹香味甘，朋友勁讚。🥢碎吞拿魚蓉赤海膽 $78軟綿鮮甜嘅呑拿御用配上脆卜卜嘅威化餅，口感層次豐富，赤海膽甘甜味鮮，加上爆汁嘅三文魚籽，引爆鮮味。🥘壽喜燒鍋 $398有牛又有豬，都幾大片，油花都靚, 壽喜燒湯味道剛好，鹹甜適中，放入各式各樣嘅蔬菜，色彩好鮮，食落好鮮嫩，賣相好吸引，牛豬索晒，薯粉索晒個湯，煙韌好食。飲下食下，不知不覺間已傾左兩個幾鐘，好滿足的一餐🥰