金亞淶泰國餐廳

Open Now

Now Closed

成日都會心郁郁想食泰國嘢，愛佢啲香辣及惹味，最近就比我地搵到間係荔枝角工廈內嘅泰國菜店。泰式火山排骨佢地嘅招牌菜一定要數到依款，見到好多枱客人都有點，有豬同牛嘅選擇。我地今次就揀咗豬肉版本，排骨超巨型，浸於酸辣汁之中。手套戴上就可以開餐啦！啲肉好易離骨，一絲絲豬肉被我地撕落嚟再蘸上酸辣汁，食落幾惹味呢！泰式肉碎生菜包係我其中一款好愛嘅泰國菜式，炒過嘅肉碎入晒味，酸辣酸辣嘅味道超開胃！仲有啲洋蔥、蔥花等食落都好刺激同提味。菠蘿海鮮炒飯最後當然要點款主食，炒飯超巨型，面頭鋪滿肉鬆，內有魷魚蝦肉等海鮮，飯粒唔會太濕都幾香口。椰皇三重奏甜品真係要大讚，一羹有3種口感，椰子奶凍加椰子凍仲有面頭嘅椰絲脆脆，大滿足啊！整體椰子味都好濃，上下兩層椰子奶凍加椰子凍好冰涼超清爽，椰絲脆脆增加口感多咗陣香氣。飲品我就試咗金鑽鮮菠蘿冰，菠蘿味幾出不過就無乜冰感。朋友揀咗椰汁珍多冰超多料。