INN - I’m Not Nothing

Open Now

Now Closed

荔枝角D2 Place附近既工廈入面有唔少西餐，係Openrice 搵到呢間餐廳，又係正D2 Place對面，一入到嚟，裝潢擺設都好靚，感覺好warm，啱哂嚟打卡。英式炸魚薯條有一件幾大舊既炸魚，魚肉軟嫩濕潤，金黃酥脆既炸皮好夠薄，唔會同魚肉分離。雖然本身鐘意食加鹽加醋既炸魚，不過點沙律醬亦同樣滋味。薯條幾香脆，仲有沙律中和下個油膩感，作為小食，份量剛剛好，唔會過量或者食完唔夠喉。奶油大蝦嫩菠菜煙肉忌廉意粉一碟有四件大蝦，蝦肉處理得幾好，食落爽口彈牙。菠菜略嫌少左啲，不過煙肉粒都幾多。意粉軟硬度剛好，非常掛汁。波士頓龍蝦肉羅勒忌廉意大利飯攞盤好靚，risotto上面有半隻波士頓龍蝦，價錢都係$148，性價比都幾高。蝦肉幾煙韌，不過我更加鐘意個忌廉意大利飯，混合左唔少菇同配料，食落好creamy好有層次。