Video
Read full review
2020-08-26
117 views
今日陪男朋友出觀塘買嘢，佢話之前同朋友一齊試過一間好正嘅餐廳，諗住帶我去試下，趁放假食個靚brunch。入到去嘅環境都幾舒服，估唔到工廠大廈區都有啲咁休閒嘅餐廳，brunch都有好多款，我哋分別叫咗個前菜、兩個main course，同埋一個甜品，放假就係要放縱下！先嚟嘅係蟹肉牛油果三文魚籽脆餅，味道非常豐富，蟹肉甜甜地，配埋牛油果食落好夾，三文魚籽咸咸地，食落好開胃。而我就食呢個燒紐西蘭肉眼扒，配埋熱辣辣嘅炸薯條，肉眼扒嘅牛味好濃郁，啖啖肉汁，加上牛扒表面有一層焦香，味道一流。男朋友就食太陽蛋燒牛脷三文治，牛脷軟硬適中，唔會太淋，入口好香，加埋吸曬蛋汁嘅麵包，夠曬豐富。不過成餐飯我最欣賞嘅係呢個甜品，蘋果金寶配燒芝士蛋糕，淨係擺盤已經好有美感而且層次分明最頂嘅係一球凍冰冰雲呢拿雪糕，中間就有一個蘋果，入面有啲脆餅，底層就係燒芝士蛋糕，食起嚟有唔同嘅享受，值得一讚嘅係蘋果焗得好香，配埋芝士蛋糕好夾，但成件事唔會太甜，好啱女仔食。最後我叫多咗一杯mocktail，一睇個名都知道夠清新嘅Arctic Peach，其實就係一杯冰沙，香桃加上菠蘿，夠曬熱帶feel，喺三十幾度嘅夏天飲就最啱！整
入到去嘅環境都幾舒服，估唔到工廠大廈區都有啲咁休閒嘅餐廳，brunch都有好多款，我哋分別叫咗個前菜、兩個main course，同埋一個甜品，放假就係要放縱下！
先嚟嘅係蟹肉牛油果三文魚籽脆餅，味道非常豐富，蟹肉甜甜地，配埋牛油果食落好夾，三文魚籽咸咸地，食落好開胃。
而我就食呢個燒紐西蘭肉眼扒，配埋熱辣辣嘅炸薯條，肉眼扒嘅牛味好濃郁，啖啖肉汁，加上牛扒表面有一層焦香，味道一流。
男朋友就食太陽蛋燒牛脷三文治，牛脷軟硬適中，唔會太淋，入口好香，加埋吸曬蛋汁嘅麵包，夠曬豐富。
不過成餐飯我最欣賞嘅係呢個甜品，蘋果金寶配燒芝士蛋糕，淨係擺盤已經好有美感而且層次分明最頂嘅係一球凍冰冰雲呢拿雪糕，中間就有一個蘋果，入面有啲脆餅，底層就係燒芝士蛋糕，食起嚟有唔同嘅享受，值得一讚嘅係蘋果焗得好香，配埋芝士蛋糕好夾，但成件事唔會太甜，好啱女仔食。
最後我叫多咗一杯mocktail，一睇個名都知道夠清新嘅Arctic Peach，其實就係一杯冰沙，香桃加上菠蘿，夠曬熱帶feel，喺三十幾度嘅夏天飲就最啱！
整體嚟講食物質素唔錯，價錢都算合理，為咗個apple crumble，我遲啲一定要再嚟食多次！
Post
