Pati by Lassana (Closed)

係荔枝角的工廠大廈food court ，搵倒個小天堂，黎到呢度你會有選擇困難症，以一人午餐為例，$59 有1款主菜 + 1款配菜 + 1款沙律同埋1杯餐飲。要意式咖啡就加多 $10當中主菜有8款選擇咁多，有芝士龍蝦仔碎蛋拖鞋包、煙三文魚碎蛋牛角包、吞拿魚墨汁包、巴馬火腿芝士百吉包、BBQ汁燒排骨、炸蟹餅、炸魚柳及韓式炸雞。配菜有4款，忌廉芝士焗薯、鮮炒雜菇、芝士焗菠菜，焗薯。沙律有6款。有煙鴨胸沙律、紅菜頭沙律、凱撒沙律、意粉沙律、華都夫沙律、地中海沙律。花多眼亂，樣樣都想食，最後精挑細選左以下既食物：牛角包外層鬆化香脆，入面有油潤肥美既煙三文魚，濕潤既碎蛋，同埋新鮮爽脆既沙律菜，絕對唔係敷衍你既普通貨色。焗薯放滿左忌廉芝士同碎蛋既焗薯略嫌唔夠軟腍，而且忌廉芝士同碎蛋份量都唔夠，引致整體比較乾身，有點失望。蜜桃煙鴨胸沙律新鮮爽脆既沙律菜，加上煙鴨胸肉，同多汁既蜜桃片，配搭得宜，簡單清新。加埋杯Latte，香濃幼滑，呢個中午真係堅豐富。