神木日本料理 (Closed)

觀塘不嬲都多嘢食，今日就約左朋友上工廈搵食，我地約得早，就決定去神木度食啦。估唔到咁早都已經有幾枱客，坐底左一陣等朋友嚟嘅十分鐘左右，餐廳已經差唔多入滿客。Lunch menu選擇好多，有壽司定食配烏冬，唔同款式嘅刺身丼，拉麵，稻庭烏冬，吉列定食仲有鐵板系列。最後同朋友揀左壽司定食同鐵板。特選壽司定食配烏冬有卷物，赤蝦，三文魚，吞拿魚蓉，白身魚，鯛魚，另外仲有一大碗烏冬，茶碗蒸同沙律，食到好飽輕量版美國極上牛柳輕量版有四件牛，七成熟左右，幾有牛味，送飯一流，另外配左沙律同麵豉湯，食完好滿足