丼瀛 (Moved) New Location

今日放工之後同男朋友係觀塘附近搵左一間工廠大廈入面嘅黃店食日本野。上網睇圖見到本身好想試佢個個海膽丼，但係去反而比佢啲炸物吸引左，所以男朋友揀左「海之幸丼」，我揀左「 串炸摩天輪」，另加小食。海之幸丼 $178三文魚兩片、赤身兩片、油甘魚一片、赤蝦一隻、蟹肉、三文魚籽唔算好大碗，正常size！所有刺身都鋪滿飯面影相好靚啊！串炸摩天輪 $168紫薯餅、忌廉蟹肉薯餅、豚肉串炸、流心粟米忌廉餅、炸蝦炸蠔、炸鵪鶉蛋未食已經知打卡一流喇！花之戀 $52我本身個人係好鍾意食花之戀，因為我好鍾意有沙律醬嘅壽司。佢呢一客花之戀（一客一件）size唔係太大，可以一啖可以放入口。日本蕃薯、芝士翠玉瓜！燒物冇得輸！