Ateen 社企素食 (Closed)

間中食下素食料理，身心感覺良好☺︎公司附近其實都算係美食天堂，尢其係啲工廈餐廳，如果唔係朋友帶路，其實真係未必會知道。今日係十五，朋友逢初一、十五都食齋，所以我就跟隨著。Ateen格局似飯堂，係全自助形式，排隊買飛落Order, 三餸一湯，白飯或粥一律$40，拎完野食就要搵位，一張張大圓/長枱任你選擇同邊個搭枱，不過空間算寬闊，食個快Lunch無所謂啦。今日揀咗2，3，4， 整體味道適中，唔會過咸或好味精，唔好以為睇落好少餸，其實食食下都好飽，起碼食完唔會覺得好滯嘅感覺。佢哋主張不要浪費食物，所以俾飯你時會問你大定細，任均選擇，唔好做大嘥鬼。食完記得放好自己盤碗碟先走人吖！