金亞淶泰國餐廳

Open Now

Now Closed

地點方便，環境裝修光猛簡單，工廠區嘅飯堂，咁啱約咗朋友星期六午餐飲酒吹水，佢又唔收開瓶費就試試👍串燒雞軟骨x4可以接受，重點都係加沙嗲醬，冇乜特別小食拼盤蝦餅、春卷同串燒各4件，啱晒我地4人分享蝦餅高質，春卷同串燒都正常發揮金不換炒蝦球原來加咗啲近似紅咖喱嘅酸甜汁去炒，好惹味，但金不換較少，蝦球係現成熟蝦，炒完偏硬實，冇爽彈感，而且細隻。。。泰式豬脾呢個有睇頭，滷得入味又淋身，加埋個泰辣汁好正海南雞半隻又係去晒骨，肉質嫩滑皮脆泰式火山排骨特色，必點！大大件排骨，加埋泰國風味嘅酸辣汁超開胃，排骨嘅肉唔會乾柴，而係炆到淋晒咁嘅肉質，比埋手套你慢慢拆肉食