Video
Read full review
2018-02-07
427 views
對於港島人嚟講，入上水粉嶺嘅次數分分鐘仲少過出國旅行(笑)。今次難得入到粉嶺，緊係叫地頭蟲朋友帶我去食下「隱世」特色野～Café 外走廊有唔少卡通磚牆畫，啱晒影相打卡。而Café裝修方面則以木餐桌配水泥牆，簡約得嚟又有特色。星期六午市時段都有9成full，餐牌上嘅選擇唔少，而價錢亦都唔貴。朋友大推「蒲燒鰻魚蛋包飯」，一於就試試佢!叫主食都會奉送餐湯同麵包，不過就冇得揀紅湯/白湯，今日供應清一色蕃茄湯。呢個湯真係誠意十足，超級濃! 飲得出佢用咗大量蕃茄蓉，濃稠到直頭可以用嚟撈飯XD 不過個人略嫌佢酸左少少。麵包上枱已經唔熱，而且比較乾、硬。白酒蒜香蜆肉忌廉意粉($66)蜆嘅數量都唔少，意粉帶微酒香同蒜味。每條意粉都掛晒汁，但唔算好creamy會食到好飽濟嗰種，所有嘢都係啱啱好，好味到要同朋友搶食～蒲燒鰻魚蛋包飯($76)基本上見到枱枱都有點，賣相好靚仔，份量大份，鰻魚亦算都厚身。鋪上面嘅炒蛋夠綿滑，再配埋鰻魚燒汁超級開胃！底嘅飯亦唔係白飯咁簡單，而係有醬汁嘅珍珠米，又係食到停唔到口，幾分鐘就清晒成碟～喺打緊呢篇review嘅同時，又好想再去食個蒲燒鰻魚蛋包飯T_T 實在太邪惡!有機會再去
今次難得入到粉嶺，緊係叫地頭蟲朋友帶我去食下「隱世」特色野～
Café 外走廊有唔少卡通磚牆畫，啱晒影相打卡。而Café裝修方面則以木餐桌配水泥牆，簡約得嚟又有特色。
星期六午市時段都有9成full，餐牌上嘅選擇唔少，而價錢亦都唔貴。朋友大推「蒲燒鰻魚蛋包飯」，一於就試試佢!
蕃茄湯
47 views
0 likes
0 comments
叫主食都會奉送餐湯同麵包，不過就冇得揀紅湯/白湯，今日供應清一色蕃茄湯。呢個湯真係誠意十足，超級濃! 飲得出佢用咗大量蕃茄蓉，濃稠到直頭可以用嚟撈飯XD 不過個人略嫌佢酸左少少。麵包上枱已經唔熱，而且比較乾、硬。
白酒蒜香蜆肉忌廉意粉($66)
白酒蒜香蜆肉忌廉意粉
$66
39 views
0 likes
0 comments
白酒蒜香蜆肉忌廉意粉
$66
31 views
0 likes
0 comments
蜆嘅數量都唔少，意粉帶微酒香同蒜味。每條意粉都掛晒汁，但唔算好creamy會食到好飽濟嗰種，所有嘢都係啱啱好，好味到要同朋友搶食～
蒲燒鰻魚蛋包飯($76)
蒲燒鰻魚蛋包飯
$76
50 views
0 likes
0 comments
基本上見到枱枱都有點，賣相好靚仔，份量大份，鰻魚亦算都厚身。鋪上面嘅炒蛋夠綿滑，再配埋鰻魚燒汁超級開胃！底嘅飯亦唔係白飯咁簡單，而係有醬汁嘅珍珠米，又係食到停唔到口，幾分鐘就清晒成碟～
喺打緊呢篇review嘅同時，又好想再去食個蒲燒鰻魚蛋包飯T_T 實在太邪惡!
有機會再去嘅話，一定要試埋佢嘅甜品~
Post
