Video
Read full review
2015-06-12
2045 views
同舊同事聚會，就下佢地就揀返公司附近食～其中一位舊同事話黎過一次覺得唔錯，於是再黎一次！我地有成９個人，安全起見預先訂左位（而且我提早到，基本上好多人都未放Lunch，餐廳入面唔算好多人）店員事先已經安排左一張大枱俾我地，我地嘈少少都唔怕～餐牌好有田園感，用一塊木板上面貼張紙，好搞笑有個「驚喜午餐」，問一問Waiter原來係「卡邦尼意粉」，午餐包埋飲品、餐湯同餐包。都唔錯～西餐價中等可接受而且午餐（我唔知晚餐）係免收加一，都抵食架～！我地９個人揀左幾款餐，因為我太為食，所以每款都試一啖！ 呢份豬扒真係好厚切，我見到都覺得飽，但係雖然好厚，都算鬆軟，唔算非常入味，但已經係唔錯架啦～意粉炒得好好味，先係無「煮過頭」，炒得乾身唔「林」！ 餐包其實都幾特別，外形係牛角酥，好鬆化既口感，內裡係甜餐包，質地好軟而且有少少甜甜地…食落唔會覺得太牛油又唔「流」，我好鐘意食！ 入門口既小走廊，裡面就係餐廳，地方細細但擺設幾舒服，有屋企既感覺！裡面有露天位，原來夜晚有BBQ、生蠔、紅酒等等…如果成班朋友一齊玩應該好開心！ 門口位既設計，起初以為係韓式餐廳，但入面既野食又唔係…不過一串串寫滿心意／祝
餐牌好有田園感，用一塊木板上面貼張紙，好搞笑有個「驚喜午餐」，問一問Waiter原來係「卡邦尼意粉」，午餐包埋飲品、餐湯同餐包。都唔錯～西餐價中等可接受而且午餐（我唔知晚餐）係免收加一，都抵食架～！
我地９個人揀左幾款餐，因為我太為食，所以每款都試一啖！
厚煎豬扒意粉
105 views
0 likes
0 comments
餐包
101 views
0 likes
0 comments
入門口既小走廊，裡面就係餐廳，地方細細但擺設幾舒服，有屋企既感覺！裡面有露天位，原來夜晚有BBQ、生蠔、紅酒等等…如果成班朋友一齊玩應該好開心！
門口位既設計，起初以為係韓式餐廳，但入面既野食又唔係…不過一串串寫滿心意／祝福既小卡，簡約得黎幾真摰！
Tiramisu，好特別，雪到好似雪糕咁凍，開頭以為係雪糕添…唔知老闆係「專登」定「無意」，但咁熱既天時有咁凍冰冰既甜品都唔錯。SIZE真係得一啖，原本同事一開始話要加錢食埋甜品，點知最後話其實都幾飽差Ｄ食唔落。可能老闆就係知道咁，所以唔係好大件，跟餐加少少錢就可以滿足下女士以甜品作為最後總結既慾望！
餐飲
28 views
0 likes
0 comments
鮮茄茸伴煎石班，呢個我揀架～～～哈哈！其實佢寫住「限18份」，睇完即刻Order…石斑煎到皮脆肉嫰，個鮮茄茸好鮮好味，如果俾多Ｄ汁會更好囉～～～（應該可以要求既）薯茸方面好幼滑、味道好濃，我比較鐘意有少少口感～薯仔粒！而個菜沙律好正，個汁係我鐘意既芝麻醬～
卡邦尼意粉，我無試呢個…
海鮮意大利飯，個飯煮得剛剛好，味道好濃…真係好飽架！我都幾鐘意呢間店，睇得出好有心機去準備食物、環境…下次約朋友食Dinner試下先～
Post
