Nutmad (Moved) New Location

觀塘工業區高質黃店💛鋪面唔算大，係人口密度咁高嘅觀塘lunch會比較full。特別係有幾個座位係bar枱設計。同其他cafe唔同，bar枱位唔係對住風景或是街道，而係對住香港獨有既密集高樓大廈。由呢個角度望出去，別有一種感覺。食物整體都好好食，份量又多，絕對值得encore。卡邦尼意粉同平時食開落左忌廉好creamy既卡邦尼意粉唔同，佢係用傳統做法，純蛋黃汁配上焦糖化豬腩肉同bacon，食落好食之餘又特別。雞胸蕃茄意大利飯既雞肉好足料，而且用慢煮嘅方法去烹調雞胸肉，唔會好柴。加上蕃茄汁完全滲透晒入去啲飯同雞肉度，酸酸甜甜好開胃。