掌壽司 (Closed)

相約觀塘做嘢嘅朋友食lunch，我話畀佢聽想食日本嘢，佢話絕對冇問題🤗餐廳地方寬敞，坐得舒服。牆上掛滿日本Saka做裝飾，夠日本風。定食由$78起，包前菜，蜆肉味噌湯，茶碗蒸，甜品，飲品。前菜喺有營食品枝豆，跟住蜆肉味噌湯，裏面有豆腐，海帶，蜆肉，鮮甜，唔會死咸。茶壺蒸夠嫩滑，裏面還加上蟹柳。我點咗精選刺身定食，一共六款刺身，包括三文魚，入口即溶 ; 油甘魚，紋路分佈均勻，肉厚肥嫩 ; 赤蝦，大大隻夠新鮮 ; 帶子 ，鮮甜美味 ; 劍魚，不油膩 ; 海膽，好甘香，全部新鮮美味，刺身厚切， 還配上一大碗飯朋友嘅七色丼，包括三文魚，油甘魚，帶子，赤蝦，熟蝦，北寄貝，碎拖羅，碗底配上日本飯 。刺身同樣新鮮甜美加咗少少錢配特飲，熱黑糖冬瓜茶，自家製不會過甜，啖啖冬瓜肉。凍荔枝梳打，清甜解渴甜品一人一粒雪糕糯米糍工廈裏面有這樣高質素的日本刺身做lunch，真係估佢唔到多得喺觀塘返工嘅朋友好介紹。