Precious (Closed)

Lunch time 唔想又食茶記，見呢度食評唔錯就揀左呢間位於工業大廈入面Precious食番個西餐, Set lunch揀左煙三文魚忌廉意粉，朋友就要拿破拿鮮茄青口意粉, lunch set 只包左餐湯同餐包，另加$6就可以有埋野飲，我地兩個都唔好飲品所以都無加， 餐包係蒜蓉牛油方包表面脆脆香口好食，餐湯唔知係咩忌廉湯味道普通偏淡味，三文魚忌廉意粉都ok, 忌廉汁尚算creamy味道都不錯，意粉則略為淋了一點，朋友就話佢既青口意粉唔好食，拿破拿汁較酸青口較乾身無咩味，應該都係雪藏青口，其實總括來講野食就不過不失唔算好好味，食評咁好應該係附近無咩其他優質d既餐廳，所以係果區來講已經係最好了。