Moreish & Malt (鴻圖道) (Closed)

之前夜晚經過餐廳，見到入面坐滿人，而且仲有足球賽事直播睇。估唔到日頭同夜晚嘅景象會有咁大對比。餐廳晏晝唔會太多人，好適合坐低食一餐休閒嘅午餐，消磨時間。首先嗌左份全日早餐，份量算幾足，而且選材亦都好精美。脆薯格炸得好香脆，煙肉表面輕輕燒過，香氣十足。另外仲有炒蛋、雜菌、豬肉腸、蕃茄焗豆同埋多士。燒紐西蘭肉眼扒、炸薯條同樣係火爐上烤過嘅肉眼扒，表面烤得香脆，肉質非常鮮嫩，而且充滿肉汁。薯條亦都係啱啱炸起，熱度十足又香脆。