新匯聚打冷小廚 (Closed)

講真，唔係人地帶黎，都唔知觀塘區內有間咁正既打冷。老實講佢似一間中菜館多過打冷，因為佢除左潮州菜仲有好多唔同既小菜都做得好出色。打冷就一定唔小得蠔仔粥，非常足料，蠔仔又大仔又多，大大碗，好味道！呢度d蠔真係好正，唔止蠔仔好食，連桶蠔都同樣出色，我地叫左個砵酒桶蠔，d蠔大隻到呢，又鮮甜，加埋砵酒既香味，真係不得了呀。燒汁鱔球又係令我好深刻，外面脆皮，內面乾身，燒汁惹味。最最令我吃驚居然係呢飲招牌檸蜜梳打，聽落去平平無奇，飲落去新奇刺激！佢味道好似益力多，好特別，加埋有汽，超爽！一路以黎我以為工廠區既食肆都係粗製濫造，但係估唔到搵到間同大排檔有一樣水準既中菜館，無得彈呀！