TC Bistro (Closed)

朋友係新蒲崗返工，時時經過見到這間扒房餐廳想試，所以相約我來撐枱腳。main course 種類很多選擇，可以加$50轉套餐有沙律、餐湯和餐飲。是日沙律“無花果雜菜沙律” 顏色好豐富，新鮮無花果好鮮甜，醬汁好濃郁有別一般得個酸味。是日餐湯“南瓜忌廉湯”配蕃茄多士，南瓜湯非常幼滑而濃郁，蕃茄多士好鬆脆又軟熟好好吃。慢煮法式豬鞍扒 $188豬扒大件好厚身，外面煎得香脆內裡肉質鮮嫩多汁，切下時唔會難切好腍吃一口好像爆汁一樣，慢煮的煮法好好同埋要一塊靚豬鞍扒先得。北海道帶子香草醬意大利飯 $162帶子兩面煎封香脆而又不失鮮嫰，香草醬意大利飯夠多汁又濃郁煙煙韌韌有嚼勁。餐飲熱咖啡，甘香濃郁又幼滑。甜品法式焦糖燉蛋焦糖面即燒熱夠香脆，內裡燉蛋好幼滑又夠蛋香。