Video
Read full review
2019-03-28
1721 views
結咗婚冇同媽打住之後，一個月都煲唔到一次老火湯，更加不要講在家裏自己燉湯。原因簡單，煲老火湯麻煩，之前一兩晚要先將一些乾貨湯料浸軟，煲湯那一天（通常只可以週末週日）又要整天睇火，變相要困在家裏。燉湯更麻煩，除了前述所有程序之外，還要隔水用燉盅蒸焗，所花時間更長，採用住家爐頭火力，最少四個小時，更加唔會自找麻煩。今日喺觀塘食完晏，無意間經過一間小店「大湯家」，原來主打多款燉湯；想起已經有一個多月沒有煲老火湯了，又想支持一下這些小店，即刻走入去。小店位於工廠大廈一間小地舖，開放式廚房後面只有一男一女兩位30歲未到的年青人；估計他們都是勇於創業的年輕人，睇準活化後的觀塘區越來越多寫字樓，午饍時段的中式靚湯生意有市場。雖然附近也有中式湯品連鎖店，但所售賣的只是預先包裝的港式老火湯，新鮮熱辣的即燉靚湯店卻沒有 ⋯⋯ 似乎相當有噱頭。所以，店主也很聰明地兼賣一些簡單中式點心、包點及蒸飯，實行利用午飯推銷小店主打的燉湯。小店牆身簡單掃上類似 Tiffany Blue 的顏色，充滿年輕活力。只有幾張金屬高身椅及一張吧枱，明顯主力外賣，堂食生意只佔極少數及招乎好像筆者這些周末 walk-in 客人。既然
小店位於工廠大廈一間小地舖，開放式廚房後面只有一男一女兩位30歲未到的年青人；估計他們都是勇於創業的年輕人，睇準活化後的觀塘區越來越多寫字樓，午饍時段的中式靚湯生意有市場。雖然附近也有中式湯品連鎖店，但所售賣的只是預先包裝的港式老火湯，新鮮熱辣的即燉靚湯店卻沒有 ⋯⋯ 似乎相當有噱頭。所以，店主也很聰明地兼賣一些簡單中式點心、包點及蒸飯，實行利用午飯推銷小店主打的燉湯。
小店牆身簡單掃上類似 Tiffany Blue 的顏色，充滿年輕活力。只有幾張金屬高身椅及一張吧枱，明顯主力外賣，堂食生意只佔極少數及招乎好像筆者這些周末 walk-in 客人。既然主要客源係平日上班時段的白領一族，除了堂食燉盅、外賣膠盒之外，不銹鋼保溫壺當然不能缺少，只需要 $40 按金，兩個星期內歸還都可以！
從牆壁上的海報及餐牌所見，小店長期供應 9 款固定款式燉湯，又強調真材實料、原盅燉湯、絕無味精！原盅燉湯是絕對肯定的，因為開放式廚房裏面就是兩大組蒸櫃，親眼見到負責人不停切材料、再將材料放入小燉盅，然後放入蒸櫃！
每盅燉湯的份量不少，差不多有兩小碗，足夠一個人午餐的胃納。椰子烏雞排骨燉湯（$58）落足湯料，每一啖都有新鮮椰子清甜及香氣，亦有雞肉鮮味；雖然香港的這個冬天不太冷，但椰子燉雞的滋潤作用，也非常適合乾燥的冬天天氣。因為是原盅燉湯，清澈透明，沒有明火煲老火湯而産生的肉糜，味道亦更清甜；亦因為原盅燉湯，沒有可能將燉湯所產生的油份隔走，雖然已經採用更滋補、雞皮脂肪較少的烏雞，但如果能夠將雞皮剝除更加徹底才斬碎燉湯，效果會更佳、也更加健康。
椰子烏雞排骨燉湯
$58
25 views
0 likes
0 comments
栗子香菇淮山烏雞燉湯（$58）由於多了栗子及香菇，顏色較深，但燉湯同樣清澈；只是栗子及香菇不及肉類耐熱，即使只是隔水蒸燉，仍然有部份微粒溶入燉湯內。味道較椰子燉湯來得濃烈，充滿著栗子及香菇的香氣；栗子加上淮山，更加有健脾、益腎、保肺的作用，這款燉湯的食療作用，四季皆宜。
栗子香菇淮山烏雞燉湯
$58
14 views
0 likes
0 comments
試過兩款燉湯，果然全部真材實料，亦飲得出不含味精。對於如此勇於創業的年輕人，心底裏非常支持。雖然 9 款燉湯口味已經相當多元化、亦照顧了大部份客人的市場要求；但要取得更大的成功，燉湯款式始終要不定期更換，更需要配合季節。加油！年輕人。
Post
