大湯家 (Closed)

經常性返工前會響度，都會買兩個粢飯走，覺得真係幾好食，15蚊個當早餐唔算貴，不過當早餐店黎講～唔見佢有豆漿，腸粉，燒賣，蘿蔔糕賣。講番個粢飯～入面係鹹蛋味肉鬆配炸菜加油炸鬼，覺得真係比出面其他粢飯特別啲。而佢架午餐我都食過1次，坦白講佢地 架 午餐燉湯 套餐真係好麻麻 價錢亦唔貼地，湯架味道唔濃比較淡。而對比 出面靚湯價錢，一般 大約 2x至4x蚊 1個都有，而味道已經相當唔錯，如果係例湯配飯都係加多5到10蚊，只係分量大小 同碗湯見到架配料有幾多。舖面比較細 所以我都明白 堂食有限制，要光顧超過6x蚊以上先可以堂食。呢個舖位面積相當唔適合做堂食。佢地早餐比午餐好食，不過佢早餐選擇少，唔覺有下午茶，如果有其他道地小食做選擇就更好啦！可惜佢地2月17號結業，之後都無得食粢飯。

今日又出咗觀塘行街街，買咗好多嘢好開心，又買咗凍肉啦又睇咗衫啦🐽🐽🐽哈哈放假就係要放肆嘅時候🥶行到攰攰地咁跟住梗係要醫下肚仔啦😋😋其實今朝早餐食得好少，所以呢，一見到啲嘢咁新鮮蒸出黎又香噴噴，就索性嗌個蒸飯套餐跟燉湯，另外仲有一個燉湯燒賣餐，兩個餐都超抵呀。講緊係老火足料嘅湯，只係$40就可以跟一份點心😍真心抵又夠濃又無味精啲燉湯真係好足料好好味呀，正過係屋企自己煲，又慳火慳心機😍😍😍直接單嗌一個燉湯嘅話，係會大碗好多架。跟野食呢個細碗份量就啱啱好夠晒數。有幾個bar枱座位可以坐低食添

今日去觀塘行下食嘢，見這間良心小店好似幾好，午餐有飯有湯，仲要是有不同湯料選擇環境整齊簡單，有一邊有銀色枱椅讓客人坐下食，先在櫃檯買了食物，就有服務員送上來。午餐（蒸飯+盅湯）冬菇肉餅飯+蟲草花猴頭菇素湯冬菇肉餅飯冬菇都幾多，肉餅唔乾身多汁又厚身，好軟腍口感，配飯一流，喜歡這個飯的軟硬度，剛剛好盅燉湯這個素湯足料又清甜，蟲草花配猴頭菇好補身又健康，好大盅又可以有湯料食這裡好健康又美味，有機會多多支持下良心小店

外賣自取其中一間，真材實料又無味精，碗碗都好多材料又夠哂火喉夠哂味👍🏻 唔驚好似飲某偽人嘅燉湯飲到醉啦🤣🔹茶樹菇排骨 ($65)茶樹菇非常又夠哂爽口，出哂味係湯到，聽講仲可以健脾和胃，袪濕利尿🔸木瓜豬肺排骨 ($65)非常潤喉清甜，豬肺煲到好淋仲夠哂滑🔹栗子香菇准山烏雞 ($65)烏雞味都幾出幾香濃，仲有栗子、香菇、准山，好足料👍🏻

年紀大真係愛飲湯多過凍檸茶或奶茶而家大湯家lunch set 飯＋湯先52蚊真係勁抵叫左個胡麻醬手撕雞飯餐，配上猴頭菇蟲草花燉湯好足料丫會繼續支持黃店（忘記加個糖水食，蝕左）

初時諗住黃店告急 支持下五一黃金周見到入面好吉 都覺得有d怪可能因為燉湯既客路唔係後生仔講真 出面30幾度都唔係太想飲熱湯最後買左碗燒賣 （$15/5粒）想坐一坐好快食完就走食燒賣都唔食得好耐點知被提醒原來係買滿$50先有得堂食好似對顧客唔係太好 立食區都無一個搞到唔知點咁 企係間鋪度食又好似唔好意思瀨死唔走咁都出到聲話堂食$50 以上先得咁就唯有企係人來人往既觀塘工業區既行人路道食埋佢 仲要天口有d熱 店員既態度又唔係太好不太愉快既經歷不過都會繼續支持其他黃店燒賣質素都好普通 有小小買返黎似叮果d

睇 app 見到呢間告急，專登走咗過去幫襯。未去到之前，仲以為燉湯店會好似譚仔咁格局傳統，成間店都係由啲阿姐打骰，點知原來係間裝修新派嘅小店。嚟呢度幫襯，燉湯當然係主菜，我揀咗 “男女恩物” 椰子烏雞排骨燉湯，而家晚市惠顧一客燉湯加十蚊可另選餐牌上任何食物，我唔太肚餓，冇揀到蒸飯，叫咗客吞拿魚飯卷。首先要讚下個燉湯，非常足料，我𡁻椰子，烏雞同排骨都𡁻到口軟😆，湯水份量亦非常多，未開盅蓋時，啲湯係滿到滲咗出嚟。味道方面，我覺得略為偏濃同偏鹹，如果輕手少少會更理想。至於個飯卷則無論賣相同配料都好平實，充滿住家嘅味道。臨走時，見門口有良心糖果可取，我拎咗條迷你萬樂珠，立刻啪咗一粒，甜甜嘅味道中和咗剛才燉湯嘅鹹味，口中甜，心更甜❤️。

難得觀塘可以搵到間養生的餐廳(唔好幫襯楊明啦) 呢間係駱駝漆對面的小店，主攻外賣💜，我係Lingduck落單，15分鐘就可拎得order，好快手，唔想食味精野食，可以試試，$76 (外賣價) 有一個湯一個飯，合理價錢。1. 花膠香菇烏雞燉湯 (晚餐) 好耐冇飲過湯(始終自己煲湯都貴)，呢個湯係女仔都鍾意，都足料去煲，俾左一舊大大舊花膠，飲完即刻覺得自己健康左，haha2. 手打肉餅飯呢個飯我覺得係誠意之選，因為佢係即時蒸完一邊再蒸另一邊，個咸蛋黃係特登整碎左再平均放係個飯上面，肉餅好食，而且唔似唐記個D咁得一細舊)，不過脂肪比例都艋高，好彩我係兩個人share食，感覺冇咁肥

放工想係呢邊買個飯，搵下搵下就見到呢間。之前食lunch 有經過，不過未有機會食，疫情下可以買下外賣食。晚市好抵，一個湯加10元就有飯或輕食。1.5米下，我去嘅鋪頭都好小心分開。全程拎到返屋企啲湯同飯都仲係熱。木瓜豬肺排骨燉湯，55元，湯夠哂濃，有料，煮得夠淋。湯係清甜，而且無油，好飲。豬肺都入味。另外一個湯係花旗蔘烏雞排骨燉湯，58元，配料夠哂入味同淋，花旗蔘味都足，但又唔會太過份。加10元，肉餅飯，肉餅香，而且飯唔會話少。另外加10元係豉椒排骨飯，排骨夠哂味，呢個味道令我諗起以前返學係大排檔食蒸飯嘅日子，就係呢種味道。

是日好鬼懶，唔想煮但又想飲湯，於是嚟到呢間經過幾次都未有機會嘅「大湯家」，入鋪頭時己過咗食晏時間，但係八個座位都坐滿一半。餐牌上有八款湯，各自有標明功效（當然睇完係一個字都唔會記得啦，不過對於選擇困難又唔熟識湯水功效嘅人的確係好有用嘅）。左度右度之下，我揀左椰子烏雞湯（全名唔記得），返去當晚餐嘅一部份。湯倒出嚟份量唔少，有大湯碗嘅大半碗。椰子同雞嘅香味都好強又好平衡。湯水一啲都唔油，好味又清爽。雖然湯料唔算超多，但係係百物騰貴嘅今日，都算係咁啦！

今日難得出開嚟觀塘，記得之前呢一間黃店告急過，就上面入嚟買湯飲。見到有幾款湯都啱心水，今次揀左木瓜豬肺排骨湯，利申先我冇久咳嘅，純粹不嬲都好鍾意飲豬肺湯🥳而且佢仲有呢啲午市套餐係有埋飯再加燉湯，好抵食，不過今日唔太肚餓，所以就冇食啦首先我覺得個份量呢好適中嘅，之前喺啲傳統嗰啲舖頭度買嗰啲湯包其實都係呢個份量。價錢都係50幾蚊，但係佢哋小店有呢個質素，真係算係咁第二呢入邊嘅材料呢好足，木瓜排骨啊豬肺都有，啲木瓜超級甜，啲排骨呢已經入晒味，好明顯個湯你唔係因為加咗味精而有味道，而係本身啲豬骨已經帶到啲味。（同埋湯上面嘅油都係正常嘅份量囉，同屋企平時用豬展入去煲嘅湯都係咁嘅）天氣咁凍再加埋呢排嘅病菌咁犀利，就算屋企冇湯飲，都值得買啲湯同屋企人分享吓❤️❤️

本人在觀塘返工，因為好鐘意飲湯所以比佢吸引到，叼，買返黎個湯又難飲個飯又難食，見入面得幾個後生仔個時已經覺得伏伏地。食完之後真係嬲到要上黎寫食評，做食唔係真係整左啲食物出黎就叫做生意，豉汁排骨老老竇竇煮過嘅人都知道好簡單，整出黎首先超明顯係冰鮮唔緊要，但係勁硬勁老，就咁淋啲豉油，7仔叮出黎個個 仲好食。個主角，個湯啊，請問你地知唔知燉湯同滾湯嘅分別，點解你地仲夠膽收人幾十蚊飲哩個湯，又淡又水又冇味，加啲鹽加啲糖就搞掂嗎？你地自己有冇試過味，大家睇相啦。如果對食物嘅基本認識都冇就唔好學人出黎開鋪

有晚黎到觀塘想食清清地，打開和你eat咁岩又見到間燉湯專門店，睇下個menu，嘩仲有蒸飯添，岩晒口味。但幫襯之前都要做下功課fc下，915罷市，okay唔算最早果批不過我接受。咦仲有學生$1雞髀飯，得，肯投資係社會未來棟樑就係支持香港，即刻仆去幫襯。佢晚上6點打後嗌個湯就可以加$10嗌一款食物，原價$30既蒸飯都得。但我仆遲左過去，已經無晒排骨飯，咁唯有試下個滑雞啦。$58 花旗參烏雞排骨燉湯+$10 北菇滑雞飯又真係幾清甜甘香，簡簡單單一餐飯，呢啲先可以日日食！

#支持良心餐廳午市套餐 日式飯卷+栗子香菇淮山烏雞燉湯 $52飯卷入面係包餐肉 （好似仲有得揀呑拿魚） 但份量相對比較少 同埋味道都唔係話好好 比較梅身 個湯係ok嘅 雖然面頭係有層薄油 但飲落都唔會覺得好油膩咁 如果栗子唔好煲到咁溶 同多啲湯渣會更正佢都有好多款湯同飯可以揀但因為自己都試左個肉餅飯 所以想提提大家會比較油膩同咸 因為肥豬肉比例都幾高下 所以控制體重嘅人士記得alert alert

星期六過左食飯時間，費事自己做孤獨精唯有買外賣番公司食睇住個map, 依間近近地，一於試下其實平時都想試，只係外賣店黎講依講確實偏貴燉湯有配飯set, 配點心set飯set 要$50 上，點心 set 要$40上我就叫左花旗蔘烏雞燉排骨，加隻糯米雞（需加$2)個湯初頭睇落好似無乜料甘，同埋偏油左d食到一半就發現真係有蔘架，有一條半排骨同雞就比較肥左d, 無食到糯米雞都係大隻果d 黎，入面有隻雞翼，但除左雞翼就係得d 肉粒甘，糯米算入味，但無乜驚喜甘，不過不失湯如果無甘油，一定常幫趁