Video
Read full review
2016-07-05
1223 views
近年四處覓食都要向工廠區進發。無他既，香港旺區舖租貴，有好多餐廳想用新鮮食材，又想推大眾化的價錢，無奈地都要揀工廈作為他們的基地。今次襯住平日有難得的假期，決到一闖火炭工業區，尋找呢間開業無耐的隱世餐廳 Canapés Room。當日我同友人駕車到達華樂工業中心，有$15時租車位，緊係即刻泊低架車上去食Lunch。雖然呢座工廈好大，有幾座，但咁岩我地泊正係樓下，一搭電梯就輕易上到三樓。一出電梯，見到的是典型工廈環境，白光管搭配灰色牆。但向左一看，就會見到一塊好大的招牌，絕對唔會搵唔到。行入餐廳，完全同頭先見到的是另一個世界。全店裝修走的係工業風，搭配而家流行的烏斯燈泡，加上有不少青綠色的植物，有少少crossover田園風的味道。全店燈光略略偏黃，柔和但不失光猛，視覺上已經加唔少分。由於我地差不多兩點先到，所以無需輪候就可安排入座。座位之間有充足的空間感，我非常滿意呢一部分。因為去過很多的餐廳，特別是日式放題，座位都是幾乎肩貼肩的那種，完全沒有私隱度可言。午餐menu有不少選擇，有沙律、意粉、漢堡、三文治、甚至是豬手。我就點左一份漢堡而友人則揀左carbonara意粉。先上的是餐飽和餐
當日我同友人駕車到達華樂工業中心，有$15時租車位，緊係即刻泊低架車上去食Lunch。
雖然呢座工廈好大，有幾座，但咁岩我地泊正係樓下，一搭電梯就輕易上到三樓。
一出電梯，見到的是典型工廈環境，白光管搭配灰色牆。但向左一看，就會見到一塊好大的招牌，絕對唔會搵唔到。
行入餐廳，完全同頭先見到的是另一個世界。全店裝修走的係工業風，搭配而家流行的烏斯燈泡，加上有不少青綠色的植物，有少少crossover田園風的味道。全店燈光略略偏黃，柔和但不失光猛，視覺上已經加唔少分。
由於我地差不多兩點先到，所以無需輪候就可安排入座。座位之間有充足的空間感，我非常滿意呢一部分。因為去過很多的餐廳，特別是日式放題，座位都是幾乎肩貼肩的那種，完全沒有私隱度可言。
午餐menu有不少選擇，有沙律、意粉、漢堡、三文治、甚至是豬手。我就點左一份漢堡而友人則揀左carbonara意粉。先上的是餐飽和餐湯。湯是一般的忌廉湯，沒甚麼特別，但餐飽絕對是驚喜。餐飽是香草飽，咬下去非常鬆軟，麵飽味非常香濃。本身麵飽是很豐滿的那一種，並非某連鎖店那種空氣飽。
本人的漢堡先上，入面的牛肉本身非常新鮮嫩口，咬落去啖啖肉汁，全靠揀左五成熟。漢堡飽口感香脆，嗜飽之人必定喜歡。配菜是薯角，最重要是新鮮炸起，因我好怕食那種凍左的薯角。朋友的溫泉蛋carbonara意粉隨後就到。半熟的溫泉蛋汁令carbonara意粉變得更滑，而意粉的口感非常好，並非煮得過軟的那種，而是有少少彈牙的質感。不過對我黎講carbonara意粉太”漏”了，所以試一兩啖就可以，食哂就有少少難度了。
餐飲我地都揀左即磨咖啡，我地唔係陳豪，唔識品味咖啡。不過呢杯咖啡味好濃，少少苦但冇酸味，係我地鍾意的口味。
今次黎試食Canapés Room非常滿意，希望呢間小店會有更多人支持。
牛肉漢堡
$69
66 views
0 likes
0 comments
Other Info. :
洗手間非常乾淨，值得一讚
(The above review is the personal opinion of a user which does not represent OpenRice's point of view.)
Post
