Video
Read full review
2022-12-08
75 views
本身尖沙咀有總店嘅chum chum 味開分店開到嚟我公司附近，所以梗係要試吓！🥰Menu選擇都有好多，一心二用嘅你都可以叫雙拼，有紫菜包飯加辣炒年糕入座後店員會先放低前菜，包括泡菜、番薯、魚仔、同埋西蘭花，最有驚喜係番薯，因為佢出面用d甜甜哋嘅醬汁去醃，食落好有媽媽嘅感覺。⭐️醬油蟹套餐 $245呢個係必叫嘅，餐廳名物！佢包咗一碗紫菜飯同埋芝士粟米😂雖然價錢唔算平，但係覺得物有所值~ 醬油蟹都算大隻，同埋好鮮甜，啲汁調校得啱啱好，見到橙色嘅膏都流晒口水🥰送飯係Perfect match，好鮮甜，令人一口接一口。⭐牛肉湯蕎麥麵$90唔知點解韓國嘅牛肉湯永遠都係有種魔力，雖然望落個湯好似好清咁，但係有種鮮甜味，自己永遠都做唔到😂奶白色嘅湯真係勁好飲，配上健康嘅蕎麥麵，難怪韓國人皮膚咁靚、咁長壽。⭐️韓式豬前腳$55呢個真係幾抵，我哋要咗細份，份量都唔少得開同埋會用個爐熱住佢，保持溫度，豬腳好Q彈，同埋啲肉都嫩。其實Kwai Hing真係冇咩好食，我覺得呢間已經好高質，喺葵興返工嘅朋友一定要試吓🥰
本身尖沙咀有總店嘅chum chum 味開分店開到嚟我公司附近，所以梗係要試吓！🥰Menu選擇都有好多，一心二用嘅你都可以叫雙拼，有紫菜包飯加辣炒年糕
入座後店員會先放低前菜，包括泡菜、番薯、魚仔、同埋西蘭花，最有驚喜係番薯，因為佢出面用d甜甜哋嘅醬汁去醃，食落好有媽媽嘅感覺。
⭐️醬油蟹套餐 $245
呢個係必叫嘅，餐廳名物！佢包咗一碗紫菜飯同埋芝士粟米😂雖然價錢唔算平，但係覺得物有所值~ 醬油蟹都算大隻，同埋好鮮甜，啲汁調校得啱啱好，見到橙色嘅膏都流晒口水🥰送飯係Perfect match，好鮮甜，令人一口接一口。
⭐牛肉湯蕎麥麵$90
唔知點解韓國嘅牛肉湯永遠都係有種魔力，雖然望落個湯好似好清咁，但係有種鮮甜味，自己永遠都做唔到😂奶白色嘅湯真係勁好飲，配上健康嘅蕎麥麵，難怪韓國人皮膚咁靚、咁長壽。
⭐️韓式豬前腳$55
呢個真係幾抵，我哋要咗細份，份量都唔少得開同埋會用個爐熱住佢，保持溫度，豬腳好Q彈，同埋啲肉都嫩。
其實Kwai Hing真係冇咩好食，我覺得呢間已經好高質，喺葵興返工嘅朋友一定要試吓🥰
Post
