Moreish & Malt (鴻圖道) (Closed)

星期六約左一大班朋友喺觀塘打波，打完之後諗住求其食D野就算。點知喺漫無目的、亂打亂撞之下行左黎呢度，於是我地決定入去試下！香辣吞拿魚藜麥沙律 ($108)：沙律非常fresh，燒香辣吞拿魚、炸藜麥、什菜沙律同埋黑醋汁等等既份量十分足！雖然吞拿魚夠晒鮮嫩，但辣味略嫌不足，如果再辣返少少會更好！紐西蘭肉眼扒、炒蛋、多士 ($108)：6安士既肉眼扒配埋炒蛋同多士呢個組合夠晒特別！Medium rare既牛扒燒到剛好，炭燒既感覺令肉既表面乾身得黎之餘裹面亦能保持juicy既感覺！大蝦扁麵、碎蝦乾白酒汁 ($118)：大蝦同埋碎蝦乾等配料，再混合埋白酒牛油汁令到入口時感覺濕濕地、唔會太乾身之餘亦都有少少chunky既感覺，值得推介！煙薰肉意粉、泡菜忌廉蛋黃汁 ($108)：意粉配料非常之多，意大利風乾火腿、洋葱、蛋黃、巴馬遜芝士撈埋濃濃既忌廉汁感覺creamy得黎之餘又唔會太滯，再撈埋泡菜辣辣地既口感認真一流，必食！雞肉蘑菇闊麵，忌廉汁 ($108)：唔知係咪之前兩個意粉個sauce都用上相對heavy既醬汁，所以呢個芝士忌廉汁既闊麵感覺有D太過濃味，而且雞胸肉感覺較鞋口，如果可以改用雞脾肉會