BV Kitchen (Closed)

要去觀塘apm做野，於是就去幫襯一直想試的呢間BV Kitchen。去食果日好鬼熱，晌地鐵站要行一段時間先到，好似晌工廠區行迷宮一樣，坐低果時身水身汗喇。聽講呢度出名和牛漢堡同埋炸野，於是就點咗個和牛漢堡餐同埋炸洋蔥圈。首先黎既係餐湯羅宋湯，好味道，好多菜同香料，係正宗西餐的做法。凍檸茶，一般野，無驚喜。洋蔥圈黎喇！好好食，個炸漿做得非常之好，唔會硬唔會咸，咬落鬆化但係又有咬口，而且炸既程度啱啱好。相信佢fish and chips都會好好食，下次一定要試下。仲有，佢果個醬都應該係自己整的，連之後啲茄汁都溝左少少bbq sauce令到個味有層次，食得出係好有心機。之後到和牛漢堡，一般地好食啦，無乜大驚喜，因為牛肉味濃但係溝和牛就溝得好少，但係煎得好好，裏面仲有肉汁的，如果厚啲效果應該更好。加上，排碟就排得好靚，菜絲沙律亦都有心機整。整體黎講，直得去食。不過個人覺得裝修麻麻地，待應黑口黑面，同埋食材放地下唔係咁衛生。最後送個雪糕，應該係唔知晌邊度叫貨返黎（因為雪糕球上面有雪霜，一定係以球狀在雪櫃保存），味道一般。炸洋蔥圈（9／10）：$38，推介，個sauce都好正和牛漢堡（7／10）：