一心素食 (Closed)

香港人注重生活質素，對食愈來愈有要求。當中有不少朋友仔想轉食食素，但入手相當困難，中式油膩、西式又怕食唔飽。上星期o係觀塘接太太放工，後轉入後街搵食。太太話有食素的朋友介紹一心素食，相當唔錯。心諗我都好耐冇食素，就一於試下啦。上到去，係一貫工廠區食肆的環境，地方大，檯數多，但勝在有窗有自然光，環境幾好。我自少跟家母食開素，但食開的都係中式素為主，呢度食既就係中西款式都有。我叫左個6個courses的晚餐，整體黎講都相當滿意。份量好夠，甚至係多得劑，明顯係行抵食夾大件的路線。而且人唔多，晚飯時間唔駛等就有得食，好過o係APM同人地逼。以下係我的推介：羅宋湯：一般而言，羅宋湯冇肉會好似爭D咁，但難得佢的湯清清地都相當唔錯，佢仲加左少少黑椒加辣，幾好。焗闊條麵：做得非常有心機，好香，仲食都D菇粒扮肉粒，食落去幾似。甜品：有西式的甜品，但我特登叫左個中式的紅豆蓮子百合糖水。