Video
Read full review
2021-04-18
506 views
之前喺社交平台睇過有人話佢嘅沙爹牛肉麵好食，所以就將佢儲存咗係我OpenRice「想試茶記」嘅標籤入邊。今日喺附近打算食早餐，就突然間諗到行過去試吓，嚟遠見到個環境（好多人坐喺店舖出邊，馬路邊而且有大垃圾桶）本來唔想入去，又諗：mark 低咗咁耐，都未試過，咁多人坐晒喺門口食，或者係臥虎藏龍呢。室內都幾大，一個客都冇，我揀咗一張枱坐低，叫咗個早餐，見到舖頭都不停有人叫下外賣。我叫咗豬扒奄列，花生醬多士大火多醬，因為來之前飲咗一杯熱奶茶，就打算叫杯凍檸檬茶外賣一陣拎住先飲，不過佢話要收一蚊（外賣盒收錢就通常都要，紙杯比較少），我就放棄，怕飲完奶茶再飲檸檬茶唔好，就飲返奶茶。塊多士睇都睇到冇大火，同埋好少醬。奄烈ok豬扒細$37，唔飽，我一食完行到公司樓下就再買嘢食。無論環境服務食物都幾令人失望，坐喺出邊食嘅人應該都係貪可以戶外食煙。同埋佢附近可能冇咩其他選擇。結論，就係工廠食堂嘅水準同價錢，好似我咁特登行過嚟就無謂。唔記得咗食沙嗲牛肉麵～報告完畢～
今日喺附近打算食早餐，就突然間諗到行過去試吓，嚟遠見到個環境（好多人坐喺店舖出邊，馬路邊而且有大垃圾桶）本來唔想入去，又諗：mark 低咗咁耐，都未試過，咁多人坐晒喺門口食，或者係臥虎藏龍呢。
室內都幾大，一個客都冇，我揀咗一張枱坐低，叫咗個早餐，見到舖頭都不停有人叫下外賣。
我叫咗豬扒奄列，花生醬多士大火多醬，因為來之前飲咗一杯熱奶茶，就打算叫杯凍檸檬茶外賣一陣拎住先飲，不過佢話要收一蚊（外賣盒收錢就通常都要，紙杯比較少），我就放棄，怕飲完奶茶再飲檸檬茶唔好，就飲返奶茶。
塊多士睇都睇到冇大火，同埋好少醬。
奄烈ok
豬扒細
$37，唔飽，我一食完行到公司樓下就再買嘢食。
無論環境服務食物都幾令人失望，坐喺出邊食嘅人應該都係貪可以戶外食煙。同埋佢附近可能冇咩其他選擇。
結論，就係工廠食堂嘅水準同價錢，好似我咁特登行過嚟就無謂。
唔記得咗食沙嗲牛肉麵
～報告完畢～
Post
